background
  • Ünvan: Şirvan şəhəri, Istiqlaliyyət prospekti 10
  • Faks: (+994 021) 215-57-77
  • E-mail: mail@shirvan-ih.gov.az

Elanlar

  • Qaz təchizatının dayandırılması

    Qaz təchizatının dayandırılması

    2020-07-08

    Hörmətli Şirvan şəhər sakinləri, 08 iyul 2020-ci il tarixində, saat 14:00-dan başlayaraq şəhərin Xəqani küçəsində, "Kənd evləri" yaşayış massivində Salyan RQİİ-nin Şirvan Xidmət Sahəsi tərəfindən aşkarlanmış qaz sızmalarının aradan qaldırılması, tənzimləyicilər vasitəsi ilə qaz təzyiqinin tələbata uyğun nizamlanması və qaz xəttinin yerinin dəyişdirilməsi ilə əlaqədar ərazinin qaz təchizatında müvəqqəti məhdudiyyətlər olacaqdır.

  • Qaz təchizatının dayandırılması

    Qaz təchizatının dayandırılması

    2020-06-29

    Hörmətli Şirvan şəhər sakinləri, 30 iyun 2020-ci il tarixdə, saat 10:00-dan başlayaraq Şirvan şəhəri Heydər Əliyev prospektində “Azəriqaz” İB-nin Təmir-Tikinti İdarəsi tərəfindən yeni quraşdırılmış 315 mm-lik orta təzyiqli yeraltı polietilen qaz kəmərində son tamamlanma işlərinin görülməsi və hazırlanmış hissələrinin şəbəkəyə qoşulması məqsədilə şəhərin qaz təchizatında müvəqqəti məhdudiyyət olacaqdır.

  • Qaz təchizatının dayandırılması

    Qaz təchizatının dayandırılması

    2020-06-22

    Hörmətli Şirvan şəhər sakinləri, 22 iyun 2020-ci il tarixdə Şirvan şəhəri Heydər Əliyev prospektində “Azəriqaz” İB-nin Təmir-Tikinti İdarəsi tərəfindən quraşdırılmış 315 mm-lik yeraltı polietilen qaz kəmərinin istismara hazır olan son hissəsinin şəbəkəyə qoşulması və ərazidən keçən istismar müddəti bitmiş müxtəlif diametrli metal qaz kəmərinin istismardan çıxarılması məqsədilə şəhər ərazisinin qaz təchizatında müvəqqəti məhdudiyyət olacaqdır.

  • Qaz təchizatının dayandırılması

    Qaz təchizatının dayandırılması

    2020-06-16

    Hörmətli Şirvan şəhər sakinləri, 16 iyun 2020-ci il tarixdə saat 14:30-dan 17:00-dək “Təmiz Qaz” QSC tərəfindən aşkarlanmış sızmaların aradan qaldırılması, tənzimləyicilər vasitəsilə qazın təzyiqinin tələbata uyğun nizamlanması, Muğan ölçü qovşağından şəhərə gələn 215 mm-lik orta təzyiqli yeraltı polietilen və 1 May küçəsini qazla təmin edən 159 mm-lik orta təzyiqli yerüstü metal qaz xətlərinin “Azəriqaz” İB-nin təsdiq etdiyi proqrama əsasən növbədənkənar hermetikliyə yoxlanması məqsədilə şəhərin 1 May, G.Şıxbalaoğlu, Mehmandarov, İ.Qayıbov, H.Aslanov, Füzuli, Neftçilər, M.Mirzəyev, M.Qədirov, H.Z.Tağıyev, M.İbrahimov küçələrinin və Bayramlı qəsəbəsinin qaz təchizatında müvəqqəti məhdudiyyət olacaqdır.

  • Qaz təchizatının dayandırılması

    Qaz təchizatının dayandırılması

    2020-06-11

    Hörmətli Şirvan şəhər sakinləri, 12 iyun 2020-ci il tarixdə saat 10:00-dan başlayaraq “Təmiz Qaz” QSC tərəfindən aşkarlanmış sızmaların aradan qaldırılması, tənzimləyicilər vasitəsilə qazın təzyiqinin tələbata uyğun nizamlanması, Heydər Əliyev prospektində “Azəriqaz” İB-nin Təmir-Tikinti İdarəsi tərəfindən quraşdırılmış 315 mm-lik yeraltı polietilen qaz kəmərinin istismara hazır olan ikinci hissəsinin şəbəkəyə qoşulması və istismarda olan müxtəlif diametrli istismar müddəti keçmiş metal qaz xəttinin istismardan çıxarılması məqsədilə şəhərin qaz təchizatında müvəqqəti məhdudiyyət olacaqdır.

  • Azərbaycan Respublikasının Nazirlər Kabineti t...

    Azərbaycan Respublikasının Nazirlər Kabineti tərəfindən ölkə üzrə xüsusi karantin rejiminin 1 iyul 2020-ci il tarixinədək uzadılmasına qərar verilmişdir.

    2020-06-10

    Yeni növ koronavirus(COVİD-19) infeksiyasının yayılmasının qarşısının alınması istiqamətində ölkəmizdə ötən müddət ərzində ardıcıl və effektiv tədbirlər həyata keçirilməkdə davam edir və infeksiyanın yayılması nəzarət altına alınıb. Bununla belə, pandemiya vəziyyəti hələ də davam etdiyindən və son günlər ərazində infeksiyaya yoluxma dinamikası artdığından Azərbaycan Respublikası Nazirlər Kabinetinin 09 iyun 195 nömrəli Qərarı ilə ölkə üzrə xüsusi karantin rejiminin müddətinin 1 iyul 2020-ci il tarixinədək uzadılmasına qərar verilmişdir. Bundan əlavə, ölkə üzrə sanitar-epidemioloji vəziyyətin təhlilinə əsasən, son günlər Yevlax, İsmayıllı, Kürdəmir və Salyan rayonlarında yüksək yoluxma faktları aşkar edildiyindən, virusunun yayılma sürətinin azaldılması və onun törədə biləcəyi fəsadların minimuma endirilməsi məqsədilə Azərbaycan Respublikası Nazirlər Kabinetinin 09 iyun 2020-ci il tarixli 196 nömrəli Qərarı ilə 2020-ci il 14 iyun saat 00:00-dan 16 iyun saat 06:00-dək Bakı, Gəncə, Lənkəran və Sumqayıt şəhərlərinin, Abşeron, Yevlax, İsmayıllı, Kürdəmir və Salyan rayonlarının ərazisində sərtləşdirilmiş karantin rejimi tətbiq ediləcəkdir. İnsanların sağlamlığı və təhlükəsizliyinin qorunması istiqamətində dövlətimiz tərəfindən həyata keçirilən tədbirlərdə vətəndaşlarımızı həmrəylik nümayiş etdirməyə və Azərbaycan Respublikası Nazirlər Kabineti yanında Operativ Qərərgahın tələb və qaydalarına əməl etməyə çağırırıq.

  • Karantin rejiminin müddəti 15 iyun 2020-ci il ta...

    Karantin rejiminin müddəti 15 iyun 2020-ci il tarixədək uzadılmışdır.

    2020-06-02

    Yeni növ koronavirus(COVİD-19) infeksiyasının ölkə ərazisində yayılmasının qarşısının alınması istiqamətində ötən müddət ərzində effektiv tədbirlər həyata keçirilmiş və infeksiyanın yayılması nəzarət altına alınıb. Bununla belə dünyada pandemiya vəziyyəti hələ də davam etdiyindən və COVİD-19 infeksiyasının müalicəsi üçün zəruri dərman preparatı, eyni zamanda bu xəstəliyə qarşı peyvənd tapılmadığından virusla mübarizə hər kəsin gündəlik həyat tərzinə çevrilməlidir. Azərbaycan Respublikası Nazirlər Kabinetinin 29 may 2020-ci il tarixli 190 nömrəli Qərarı ilə Azərbaycan Respublikası ərazisində xüsusi karantin rejiminin müddəti 15 iyun 2020-ci il tarixədək uzadılmış, həmin rejimlə əlaqədar bəzi məhdudiyyətlər aradan qaldırılmışdır. Eyni zamanda “Xüsusi karantin rejimində tənəffüs yollarını qoruyan fərdi vasitələrdən istifadə tələbləri barədə” Azərbaycan Respublikası Nazirlər Kabinetinin 29 may 2020-ci il tarixli 189 nömrəli Qərarı ilə ictimai nəqliyyatda, ictimai iaşə, ticarət və xidmət obyektlərində, dövlət orqanlarının binalarında və digər ərzilərdə tənəffüs yollarını qoruyan fərdi vasitələrdən istifadə və sosial məsafənin gözlənilməsi qaydaları müəyyən edilmişdir. Qərarın tələblərinin pozulması Azərbaycan Respublikasının İnzibati Xətalar Məcəlləsi ilə məsuliyyətə səbəb olacaqdır. Bunu nəzərə alaraq bir daha hamını şəxsi gigiyena, eləcə də tibbi-profilaktik qaydalara əməl etməyə, ictimai yerlərdə kənar şəxslərlə minimum kontaktda olmağa, mövcud preventiv tədbirlərin şərtlərinə riayət etməyə çağırırıq. Sanitar-epidemioloji vəziyyətə uyğun olaraq müəyyən edilmiş yerlərdə qoruyucu vasitələrdən istifadə və sosial məsafənin gözlənilməsi mütləqdir.

  • Vətəndaşların yerində qrup və fərdi qaydada...

    Vətəndaşların yerində qrup və fərdi qaydada qəbulunun dayandırılması barədə

    2020-05-18

    “Xüsusi karantin rejimi ilə bağlı əlavə tədbirlər barədə” Azərbaycan Respublikası Nazirlər Kabinetinin 16 may 2020-ci il tarixli Qərarı ilə Azərbaycan Respublikasının ərazisində tətbiq edilən xüsusi karantin rejimi dövründə “ASAN xidmət” və “DOST” mərkəzləri istisna olmaqla, digər dövlət orqanlarında(qurumlarında) vətəndaşların yerində qrup və fərdi qaydada qəbulu dayandırılmışdır.

  • Yeni növ koronavirus(COVID-19) infeksiyası ilə ...

    Yeni növ koronavirus(COVID-19) infeksiyası ilə bağlı ölkəmizdə elan olunmuş xüsusi karantin rejiminin müddəti 31 may 2020-ci il saat 00:00-dək uzadılmışdır.

    2020-05-02

    Koronavirus(COVID-19) infeksiyasının Azərbaycan ərazisində yarada biləcəyi təhlükənin qarşısının alınması məqsədi ilə Azərbaycan Respublikasının Prezidenti cənab İlham Əliyevin tapşırığına əsasən zəruri qabaqlayıcı tədbirlər görülməsi, profilaktik və təxirəsalınmaz qərarların həyata keçirilməsi davam etdirilir. Azərbaycan Respublikası Nazirlər Kabineti yanında Operativ Qərargahın məlumatına görə yeni növ koronavirus infeksiyası ilə bağlı Azərbaycandakı mövcud sanitar-epidemioloji vəziyyət, digər dövlətlərdə tətbiq olunan preventiv tədbirlər, eləcə də Ümumdünya Səhiyyə Təşkilatının tövsiyələri təhlil edilərək xüsusi karantin rejiminin müddəti 31 may 2020-ci il saat 00:00-dək uzadılmışdır. Qeyd edək ki, Nazirlər Kabineti yanında Operativ Qərargahın məlumatına görə COVID-19 virusuna yoluxma dinamikası və xəstəliklə bağlı ölkədəki vəziyyət zərurət yaranacağı halda xüsusi karantin rejiminin yenidən sərtləşdirilməsi mümkündür. Bunu nəzərə alaraq, Şirvan şəhər sakinlərini xüsusi karantin rejiminin tələblərinə ciddi riayət etməyə çağırırıq.

  • Görkəmli alim Zərifə xanım Əliyevanın anada...

    Görkəmli alim Zərifə xanım Əliyevanın anadan olmasının 97-ci ildönümü münasibəti ilə aksiya

    2020-04-25

    Görkəmli oftalmoloq alim, akademik Zərifə xanım Əliyevanın anadan olmasının 97-ci ildönümü münasibəti Şirvan Müalicə Diaqnostika Mərkəzində göz xəstəliklərindən əziyyət çəkən aztəminatlı şəhər sakinlərinin müayinə və müalicəsi təşkil olunur.

  • Azərbaycan xalqının ümummilli lideri Heydər ...

    Azərbaycan xalqının ümummilli lideri Heydər Əliyevin anadan olmasının 97-ci ildönümü ilə əlaqədar «Sən elə bir zirvəsən!» mövzusunda onlayn esse (yazı) müsabiqəsi.

    2020-04-24

    Azərbaycan xalqının ümummilli lideri Heydər Əliyevin anadan olmasının 97-ci ildönümü ilə əlaqədar Şirvan şəhər İcra Hakimiyyəti, YAP şəhər təşkilatı və şəhər Təhsil Şöbəsinin birgə təşkilatçılığı ilə 24 aprel-07 may 2020-ci il tarixlərində «Sən elə bir zirvəsən!» mövzusunda onlayn esse (yazı) müsabiqəsi keçiriləcəkdir. Esse (yazı) müsabiqəsində şəhər ümumtəhsil məktəblərində təhsil alan 5-11-ci sinif şagirdləri iştirak edə bilər. Essedə sözlərin sayı 1000-1500 arasında olmalı, əlyazma şəklində yazılmalıdır. Yazılar Şirvan şəhər Təhsil Şöbəsinin shirvan@edu.gov.az elektron ünvanına elektron formada göndərilməlidir. Müsabiqə qalibləri (I, II və III yerlər) təşkilatçılar tərəfindən təltif ediləcəkdir.

  • Azərbaycan Respublikası Nazirlər Kabinetinin 18...

    Azərbaycan Respublikası Nazirlər Kabinetinin 18 aprel 2020-ci il tarixli 144 nömrəli Qərarı ilə Azərbaycan Respublikasının ərazisində xüsusi karantin rejiminin müddəti 2020-ci ilin may ayının 4-ə qədər uzadılmışdır.

    2020-04-19

    COVID-19 virusunun Azərbaycan ərazisində yarada biləcəyi təhlükənin qarşısının alınması məqsədi ilə Azərbaycan Respublikasının Prezidenti cənab İlham Əliyevin tapşırığına əsasən zəruri qabaqlayıcı tədbirlər görülməsi, profilaktik və təxirəsalınmaz qərarların həyata keçirilməsi davam etdirilir. İnsanların həyat və sağlamlıqlarının daha səmərəli qorunması, virusun yayılması sürətinin kəskin azaldılması məqsədi ilə Azərbaycan ərazisində tətbiq olunan karantin rejiminin uzadılması məqsədəuyğun sayılmış və Azərbaycan Respublikası Nazirlər Kabinetinin 18 aprel 2020-ci il tarixli 144 nömrəli Qərarı ilə Azərbaycan Respublikasının ərazisində xüsusi karantin rejiminin müddəti 2020-ci ilin may ayının 4-ə qədər uzadılmışdır. Bunu nəzərə alaraq, Şirvan şəhər sakinlərini şəxsi gigiyena qaydalarına əməl etməyə, özünütəcrid tədbirlərinə uyğun davranmağa, yalnız ciddi ehtiyac yarandıqda evdən çıxmağa, digər şəxslərlə minimum kontaktda olmağa, insanların sıx toplaşdığı yerlərə getməməyə, sosial məsafəni qorumağa və xüsusi karantin rejiminin tələblərinə ciddi riayət etməyə çağırırıq. Şirvan şəhər İcra hakimiyyəti

  • Şəhər üzrə kadr bankının yaradılması

    Şəhər üzrə kadr bankının yaradılması

    2020-04-13

    Hüquq, iqtisadiyyat, memarlıq, informasiya texnologiyaları, kommersiya, pedoqoji, humanitar və digər sahələr üzrə alı təhsil almış, dil bilikləri olan yaşı 30-dək olan şəxslər işləmək istədikləri sahəni göstərməklə CV-lərini Şirvan şəhər İcra Hakimiyyətinin mail@shirvan-ih.gov.az elektron poçt ünvanına göndərə bilərlər. Qeyd: Məlumatlar şəhər üzrə kadr bankının yaradılması və açılacaq iş yerlərinin müəyyən edilməsi üçün tələb olunur.

  • Qan Bankının Şirvan şəhər bölməsində qanv...

    Qan Bankının Şirvan şəhər bölməsində qanvermə aksiyası keçiriləcəkdir.

    2020-04-12

    Koronavirus pandemiyası ilə əlaqədar ölkədə xüsusi karantin rejiminin tətbiq olunduğu müddətdə talassemiya və hemofiliya, eləcə də leykoz xəstəliyindən əziyyət çəkən uşaqlar üçün qan ehtiyatı azaldığından Heydər Əliyev Fondunun vitse-prezidenti Leyla Əliyevanın çağırışı və təşəbbüsü əsasında ölkəmizdə qanvermə aksiyası keçirilir. Qan köçürülməsinə ehtiyac duyan və qan xəstəliklərindən əziyyət çəkən şəxslərə dəstək olacaq aksiya cəmiyyətin diqqətini bu sosial məsələyə cəlb etmək məqsədini daşıyır. Şəhərimizdə qanvermə aksiyası 13 aprel 2020-ci il tarixində saat 12:00-dan 17:00-dək müvafiq olaraq Milli Hematologiya və Transfuziologiya Mərkəzi-Qan Bankının Şirvan şəhər bölməsində həyata keçirəcəkdir. Pandemiya dövründə karantin rejiminin qaydalara uyğun olaraq, çölə çıxma icazəsi olan şəhər sakinlərindən birlik nümayiş etdirərək bu aksiyada fəal olmağa çağırırıq.

  • Vətəndaşların qrup və fərdi şəkildə qəbu...

    Vətəndaşların qrup və fərdi şəkildə qəbulunun müvəqqəti olaraq dayandırılması

    2020-03-17

    Azərbaycan Respublikası Nazirlər Kabineti yanında Operativ Qərargahın tövsiyyəsinə əsasən, şəhər İcra Hakimiyyətində vətəndaşların qrup və fərdi şəkildə qəbul edilmələri müvəqqəti olaraq dayandırılmışdır.

  • “Asan” xidmət Şirvan şəhərində

    “Asan” xidmət Şirvan şəhərində

    2020-02-02

    03-29 fevral 2020-ci il tarixlərində Şirvan Folklor evinin qarşısındakı meydanda Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi, Sabirabad Regional Asan Xidmət Mərkəzinin əməkdaşları tərəfindən xüsusi təyinatlı avtobusla Şirvan şəhəri sakinlərinə xidmət göstəriləcəkdir.

  • Qaz təchizatının dayandırılması

    Qaz təchizatının dayandırılması

    2020-01-17

    Hörmətli Şirvan şəhər sakinləri, 17 yanvar 2020-ci il tarixdə saat 16:00-dan 17:00-dək Heydər Əliyev prospektində yaşayan abonentlərə qazın verilməsində fasilə yaranacaqdır. Nəzərə almağınızı Sizdən xahiş edirik.

  • Qaz təchizatının dayandırılması

    Qaz təchizatının dayandırılması

    2019-11-27

    Hörmətli Şirvan şəhər sakinləri, “Kənd evləri” yaşayış massivinə verilən qazın təzyiqində yaranan problemin aradan qaldırılması məqsədilə Salyan RQİİ-nin Şirvan Xidmət Sahəsi tərəfindən Xanlar küçəsində yerləşən ŞQTM-400 tipli qaz tənzimləyici şkafın sökülərək “Kənd evləri” yaşayış massivinə köçürülməsi işləri həyata keçiriləcəkdir. Bununla əlaqədar 27 noyabr 2019-cu il tarixdə Xanlar, N.Nərimanov küçələri və “Kənd evləri” yaşayış massivinin bir hissəsinin qaz təchizatında müvəqqəti məhdudiyyətlər yaranacaqdır. Nəzərə almağınızı Sizdən xahiş edirik.

  • Azərbaycan Respublikası Prezidentinin Administra...

    Azərbaycan Respublikası Prezidentinin Administrasiyasının məsul işçiləri tərəfindən vətəndaşların qəbulu

    2019-11-19

    28 noyabr 2019-cu il tarixdə saat 10:00-da Şirvan şəhər İcra Hakimiyyətində Azərbaycan Respublikası Prezidentinin Administrasiyasının məsul işçiləri tərəfindən vətəndaşların qəbulu keçiriləcəkdir. Qəbulda iştirak etmək istəyən şəhər sakinləri (021) 215-45-06 nömrəsi ilə əlaqə saxlaya bilərlər.

  • Azərsu

    Azərsu

    2019-10-29

    "Azərsu" ASC-nin Kür su kəmərləri idarəsindən Bakı şəhərinə və Şirvan-Muğan Qrup su kəmərinə ötürülən diametri 1400mm olan magistral su xəttinin Hacıqabul rayonu Muğan qəsəbəsi ərazisindən keçən hissəsində böyük qəza baş verdiyi üçün Şirvan şəhərinə içməli suyun ötürülməsi aparılan təmir işləri ilə əlaqədar müvəqqəti dayandırılmışdır.

  • DİM-nin Şirvan Regional Bölməsinə aid rayonla...

    DİM-nin Şirvan Regional Bölməsinə aid rayonlarda ixtisas seçimi ilə əlaqədar yaradılmış Məsləhət Mərkəzləri barədə məlumat

    2019-07-23

    İxtisas seçimi günlərində (24 iyul – 6 avqust, şənbə, bazar günləri istisna olmaqla) cədvəldə verilmiş tarixlərdə (M.Ə.Rəsulzadə küçəsi 19) DİM-nin inzibati binasında Şirvan Təhsil Şöbəsinin və DİM-nin əməkdaşlarının iştirakı ilə "Abituriyentin elektron ixtisas seçimi ərizəsi"nin doldurulma və təsdiq edilməsi qaydası, müsabiqə şərtləri, ixtisas seçimi zamanı diqqət yetirilməli olan vacib məsələlər və s. haqqında ödənişsiz kömək göstəriləcək.

  • Su təchizatının dayandırılması

    Su təchizatının dayandırılması

    2019-07-22

    Hörmətli Şirvan şəhər sakinləri, nəzərinizə çatdırmaq istərdik ki, şəhərin Naxçıvan, S.Zeynalov və H.Əliyev prospektində 23 iyul 2019-cu il tarixdə saat 10:00-dan - saat 13:00-dək baş vermiş qəza ilə əlaqədar suyun verilməsi müvəqqəti olaraq dayandırılacaqdır. Nəzərə almağınızı Sizdən xahiş edirik.

  • Qaz təchizatının dayandırılması

    Qaz təchizatının dayandırılması

    2019-05-29

    Hörmətli Şirvan şəhər sakinləri, nəzərinizə çatdırmaq istərdik ki, Azərbaycan Respublikası Dövlət Neft Şirkətinin “Azəriqaz” İB-nin 2019-cu il üçün təsdiq etdiyi proqrama əsasən Qaz təsərrüfatı sisteminin dayanıqlı, təhlükəsiz istismarına nəzarətin gücləndirilməsi, bu istiqamətdə operativliyin artırılması və qaz itkilərinin qarşısının alınması məqsədilə Şirvan XS-nin xidməti ərazilərində istismarda olan orta təzyiqli daşıyıcı qaz kəmərlərinin təsdiq olunmuş qrafikə uyğun kipliyə və möhkəmliyə sınanması ilə əlaqədar 29 may 2019-cu il tarixdə saat 14:00-dan işlər başa çatanadək Muğan ölçü qovşağından şəhərə gələn 215 mm-lik orta təzyiqli yeraltı polietilen qaz kəmərində aparılması planlaşdırılan kipliyə yoxlanma işləri ilə əlaqədar olaraq şəhərin Çılpaqlı qəsəbəsi M.Mirzəyev, M.Qədirov, Neftçilər, Füzuli küçələrində və Köhnə şəhərin bəzi hissəsələrində qaz təchizatında yaranacaq qısa məhdudiyyətləri Nəzərə almağınızı Sizdən xahiş edirik.

  • “Asan” xidmət Şirvan şəhərində.

    “Asan” xidmət Şirvan şəhərində.

    2019-05-14

    27 may – 25 iyun 2019-cu il tarixlərdə Şirvan Folklor evinin qarşısındakı meydanda Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin əməkdaşları xüsusi təyinatlı avtobusla Şirvan şəhərinin sakinlərinə “Asan” xidmət göstərəcəklər.

  • ELAN

    ELAN

    2019-05-13

    22 may 2019-cu il tarixdə saat 10:00-da Şirvan şəhər İcra Hakimiyyətində Azərbaycan Respublikası Prezidentinin Administrasiyasının məsul işçiləri vətəndaşların qəbulunu keçirəcəkdir.Qəbulda iştirak etmək istəyən şəhər sakinləri (021) 215-45-06 nömrəsi ilə əlaqə saxlaya bilərlər.

Foto qalereya

Mükafat və nailiyyətlər