Home Contact Phone
background
  • Ünvan: Şirvan şəhəri, Istiqlaliyyət prospekti 10
  • Faks: (+994 021) 215-57-77
  • E-mail: mail@shirvan-ih.gov.az

Xəbərlər

  • Məhəmməd Füzuli adına Şirvan şəhər Parkı...

    Məhəmməd Füzuli adına Şirvan şəhər Parkında əsaslı təmir işləri davam etdirilir.

    2020-06-06

    Ölkə prezidenti cənab İlham Əliyevin diqqət və qayğısı sayəsində ölkəmizin digər bölgələri kimi Şirvan şəhərinin də abadlaşması və müasirləşməsi istiqamətində lazımi tədbirlər görülür, sosial-infrastruktur layihələrinin icrası uğurla davam etdirilir. Həyata keçirilən abadlıq-quruculuq işləri içərisində Məhəmməd Füzuli adına Şirvan şəhər parkının əsaslı şəkildə yenidən qurulması xüsusi yer tutur. Şəhər sakinlərinin, o cümlədən uşaqların asudə vaxtlarının səmərəli təşkili üçün hər cür şəraitin yaradılacağı parkın mərkəzi hissəsində yerləşən kanalın və süni gölün xüsusi texnikalar vasitəsi ilə təmizlənməsi işləri artıq başa çatdırılıb və kanalın tikintisinə başlanılıb. Kanala qum qatı verilib və kipləmə işləri aparılıb. Eyni zamanda hazırlıq qatının düzəldilməsi üçün kanalın yatağına çınqıl qatı yayılıb, taxta qəliblər quraşdırılıb, ilkin olaraq 10 sm qalınlığında betonlama işləri aparılıb. Şəhər İcra Hakimiyyətinin başçısı İlqar Abbasov parkda aparılan işlərlə yerində tanış olub, müvafiq tövsiyyə və tapşırıqlarını verib. Hazırda işlər davam etdirilir.

  • Şirvan şəhər İcra Hakimiyyətinin başçısı...

    Şirvan şəhər İcra Hakimiyyətinin başçısı İlqar Abbasov şəhərin bir sıra ünvanlarında aparılan abadlıq-quruculuq işləri ilə tanış olub və şəhər sakinləri ilə yaşadıqları ünvanlarda görüşüb.

    2020-06-04

    Azərbaycan Respublikasının Prezidenti cənab İlham Əliyevin rəhbərliyi altında respublikamızın sosial-iqtisadi həyatında əldə edilən uğurlar hər bir bölgədə olduğu kimi Şirvan şəhərinin həyatında da öz əksini tapmaqdadır. Möhtərəm prezidentimiz cənab İlham Əliyevin tövsiyə və tapşırıqları əsasında şəhər ərazisində irimiqyaslı layihələrin icrası, quruculuq-abadlıq işləri davam etdirilir. Həmçinin yeni istehsal və emal müəssisələrinin açılması, məşğulluq səviyyəsinin artırılması, infrastruktur layihələrinin həyata keçirilməsi və əhalinin maddi rifahının yüksəldilməsi ilə bağlı verilmiş tapşırıqların icrasının təmin edilməsi üçün zəruri tədbirlər həyata keçirilir. 03 iyun 2020-ci il tarixində, Şirvan şəhər İcra Hakimiyyətinin başçısı İlqar Abbasov şəhər İcra Hakimiyyətinin məsul işçilərinin, şəhər Bələdiyyəsinin və kommunal xidmət təşkilatları rəhbərlərinin iştirakı ilə şəhərin bir sıra ünvanlarında olaraq aparılan abadlıq-quruculuq işləri ilə yerində tanış olub, sakinlərlə görüşərək onları narahat edən məsələləri yerində dinləyib. Şəhər İcra Hakimiyyətinin başçısı şəhərin 1 May küçəsində şəhidlər Kərimov Vüqar Yadigar oğlunun və Quliyev İmran Nəriman oğlunun xatirəsinə layihələndirilən abidə kompleksinin tikinti işlərinin gedişinə onların valideynlərinin iştirakı ilə birlikdə baxıb, şəhərin Energetik 9 və l-nt İbrahimov 10 saylı binaların qarşısında İDEA İctimai Birliyinin “Bizim həyət” xüsusi layihəsinə uyğun olaraq yeni, müasir abad məhəllənin salınacağı 1,5 ha sahə ilə yerində tanış olaraq öz tövsiyə və tapşırıqlarını verib. Abad məhəllədə “İDEA” İctimai Birliyi tərəfindən idman və uşaq əyləncə qurğuları, yelləncəklər, kölgənəcəklər və söhbətgahlar quraşdırılması nəzərdə tutulub. Sonra şəhər İcra Hakimiyyətinin başçısı şəhərin Şirin Şükürov küçəsində sakinlərin təşəbbüsü ilə aparılan abadlıq işləri ilə tanış olub, məhəllə sakinləri ilə söhbət edərək onların təşəbbüsünü bəyəndiyini, bu təşəbbüsün digər məhəllələr üçün də stimul olacağını qeyd etmiş və aparılan işlərlə bağlı şəhər İcra Hakimiyyəti tərəfindən lazımi dəstəyin veriləcəyini bildirib. Daha sonra isə İlqar Abbasov Dövlət Proqramına uyğun olaraq şəhərin l-nt İbrahimov 12 və 14, T.İsmayılov 7 və 11, həmçinin N.Nərimanov 13 ünvanlarında yaşayış binalarının zirzəmilərinin çirkab sularından təmizlənməsi, S.Zeynalov və l-nt İbrahimov küçələrində isə mərkəzi və məhələdaxili kanalizasiya xətlərinin çəkiliş işləri ilə də tanış olub. İlqar Abbasov eyni zamanda qeyd ounan ünvanlarda yaşayan şəhər sakinləri ilə görüşərək onları narahat edən məsələləri yerində dinləyib, görüşdə qaldırılan məsələlərə münasibətini bildirərək sakinləri əmin edib ki, şəhərdə abadlıq-quruculuq işlərinin uğurla davam etdirilməsi üçün lazımi bütün imkanlardan istifadə ediləcəkdir. Sakinlər bütün dünyanı bürüyən pandemiya vəziyyətinə baxmayaraq, ölkəmizdə, eyni zamanda Şirvan şəhərində vətəndaşların rahatlığı üçün aparılan abadlıq-quruculuq və yenidənqurma işlərinə, şəhər əhalisinə göstərilən diqqət və qayğıya görə ölkə prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər. Şəhər İcra Hakimiyyətinin başçısı İlqar Abbasov sakinləri narahat edən məsələlərin qısa zaman ərzində həllini tapmasi üçün müvafiq tədbirlərin görüləcəyini bildirib, bir daha sakinləri özlərinin və başqalarının sağlamlığına məsuliyyətlə yanaşmağa, qoruyucu vasitələrdən istifadə və sosial məsafənin gözlənilməsinə riayət etməyə dəvət edib.

  • 10 iyun 2020-ci il tarixində Şirvan şəhərind...

    10 iyun 2020-ci il tarixində Şirvan şəhərində keçiriləcək qəbul imtahanlarına hazırlıq işləri başa çatdırılmışdır.

    2020-06-04

    COVID-19 pandemiyası ilə mübarizə çərçivəsində Azərbaycan Respublikası Nazirlər Kabinetinin müvafiq qərarı ilə ölkə ərazisində bir sıra kütləvi tədbirlərə, o cümlədən Dövlət İmtahan Mərkəzinin təşkilatçılığı ilə keçirilən imtahanlara bir müddət ara verilmişdir. Dövlət İmtahan Mərkəzinin təşkilatçılığı əsasında 10 iyun 2020-ci il tarixində Şirvan şəhərinin 18 və 20 nömrəli tam orta məktəblərində ümumi orta təhsil bazasından orta ixtisas təhsil müəssisələrinə sənəd vermiş cari və əvvəlki il məzunları üçün kolleclərə qəbul imtahanı və Azərbaycan dili fənnindən imtahan keçiriləcəkdir. İmtahan müddətində virusun yayılmasının qarşısını almaq məqsədilə imtahanın keçiriləcəyi binalarda bir sıra profilaktik tədbirlər həyata keçirilmişdir. Belə ki, binaların və otaqların dezinfeksiyası, havalandırılması, müvafiq yerlərdə əl dezinfektantları üçün dispenserlərin quraşdırılması, hər bir otağa düşən iştirakçı sayının sosial məsafə prinsipinə uyğun şəkildə tənzimlənməsi istiqamətində lazımi tədbirlər həyata keçirilmiş, binaların sanitar qovşaqlarında təmir işləri aparılmış, axar suyun fasiləsizliyi təmin edilmişdir. Həyata keçirilən tədbirlərin tam səmərəli olması üçün imtahan iştirakçılarını özlərinin və başqalarının sağlamlığına məsuliyyətlə yanaşmağa və sanitar-gigiyenik qaydalara riayət etməyə dəvət edirik.

  • Şirvan şəhər İcra Hakimiyyətində şəhərin...

    Şirvan şəhər İcra Hakimiyyətində şəhərin Energetik 9 və l-nt İbrahimov 10 saylı binaların qarşısında salınacaq yeni abad məhəllənin layihəsinin təqdimatı olmuşdur.

    2020-06-04

    03.06.2020-ci il tarixində Şirvan şəhər İcra Hakimiyyətində şəhər İcra Hakimiyyətinin başçısı İlqar Abbasovun, şəhər İcra Hakimiyyətinin məsul işçilərinin, xidmət təşkilatları rəhbərlərinin və sakinlərin iştirakı ilə şəhərin Energetik 9 və l-nt İbrahimov 10 saylı binaların qarşısında salınacaq yeni “Abad məhəllə”nin layihəsinin təqdimatı keçirilmişdir. Şəhər İcra Hakimiyyətinin başçısı İlqar Abbasov təqdimatda çıxış edərək bildirib ki, bütün dünyanı bürüyən pandemiya vəziyyətinə baxmayaraq ölkə prezidenti cənab İlham Əliyevin rəhbərliyi ilə ölkəmizdə abadlıq, quruculuq və yenidənqurma işlərinə xüsusi diqqət göstərilir. Görülən bütün işlər ölkə vətəndaşlarının həyat şəraitinin daha da yaxşılaşmasına xidmət göstərir. Buna görə də indi respublikamızın digər şəhər və rayonları kimi Şirvan şəhərində də genişmiqyaslı tikinti-quruculuq və abadlıq işləri davam etdirilir, səliqə-sahman yaradılır. İlqar Abbasov layihə ilə əlaqədar məlumat verərək bildirib ki, böyük bir ərazidə-ümumi sahəsi 1.5 ha olan Energetik 9 və L-nt İbrahimov 10 saylı binaların qarşısında “Alt.Ay.Sel” RTŞ tərəfindən xüsusi layihə əsasında hazırlanmış müasir memarlıq üslubunda “Abad məhəllə”nin salınması planlaşdırılmışdır. Burada “İDEA” İctimai Birliyi tərəfindən idman qurğuları meydançası salınacaq, uşaq əyləncə qurğuları, yelləncəklər quraşdırılacaq, kölgəncək və söhbətgahlar tikiləcək, müasir oturacaq, müasir tullantı qutuları qoyulacaqdır. Əraziyə münbit torpaq gətirilərək layihəyə uyğun relyefin planlaşdırma işləri aparılacaq, 1135 kv.m tamet tavalar döşənəcək, 1500 kv.m məhəllə daxili yollar çəkiləcək,1306 p/metr bardyurlar quraşdırlacaq, dekorativ ağac və gül kolları əkiləcək, gül kompozisiyaları yaradılacaq, 30 ədəd metal işıq dirəkləri quraşdırılacaqdır. İlqar Abbasov bildirib ki, ”Abad məhəllə”dən 796 nəfərdən ibarət 244 ailə yararlanacaqdır. Layihənin əsas məqsədi ekoloji cəhətdən təmiz və abad məhəllələrin yaradılmasıdır. Daha sonra “Abad məhəllə”nin tikintisi ilə əlaqədar xidmət təşkilatlarının təklifləri dinlənilmiş və onların icrası ilə əlaqədar İcra Hakimiyyətinin başçısı tərəfindən aidiyyəti qurumların rəhbərlərinə müvafiq göstərişlər verilmişdir. Əminik ki, yaradılacaq yeni abad məhəllə sakinlərin sağlam həyat tərzi sürmələrinə, sağlamlıqlarının möhkəmləndirilməsinə, uşaq və gənclərin asudə vaxtlarını səmərəli keçirilmələrinə böyük köməklik göstərəcəkdir.

  • 28 May Respublika günü münasibətilə dekorativ...

    28 May Respublika günü münasibətilə dekorativ əl işlərindən ibarət müsabiqə keçirildi.

    2020-05-29

    Şirvan şəhər İcra Hakimiyyətinin təsdiq etdiyi Tədbirlər Planına uyğun olaraq 28 may 2020-ci il tarixində “Şirvan Gənclər Evi” sosial xidmət müəssisəsinin təşkilatçılığı əsasında 28 May Respublika günü münasibətilə gənc könüllülərin dekorativ əl işlərindən ibarət müsabiqə keçirilmişdir. Müsabiqədə ümumilikdə 40 nəfərə qədər gənc könüllülərin dekorativ sənətin müxtəlif çalarları və qarışıq texnika əsasında hazırladıqları əl işləri yer alıb. Təşkilatçılar tərəfindən müsabiqənin keçirilməsində məqsəd karantin rejimi müddətində gənclərin asudə vaxtının səmərəli təşkili və onların yeni bilik və bacarıqlara yiyələmələrinə köməklik göstərməkdir. Gənc könüllülər hazırladıqları dekorativ-tətbiqi sənət əsərlərinin fotoşəkillərini Gənclər Evinin elektron poçt ünvanına göndərməklə müsabiqədə iştirak ediblər. Müsabiqənin qalibləri münsiflər heyətinin seçimi əsasında müəyyən olunmuş və yekun qərarla istedadlı gənc Turan Fətiyevin əsəri I yerə, Ayla Mahmudova, Ayan Əmiraslanlı və Rami Kamalın rəsm əsərləri isə müvafiq olaraq II-IV yerlərə layiq görülüb. Müsabiqənin qalibləri təşkilatçılar tərəfindən fəxri fəmanlarla təlif olunublar.

  • Şirvan şəhərində koronovirus infeksiyasına q...

    Şirvan şəhərində koronovirus infeksiyasına qarşı dezinfeksiya işləri davam etdirilir.

    2020-05-29

    Məlum olduğu kimi, yeni növ koronavirus (COVID-19) infeksiyası ilə bağlı Azərbaycandakı sanitar-epidemioloji vəziyyət, ölkə əhalisi arasında virusa yoluxanların ümumi sayı və xəstələrin sağalma dinamikası nəzərə alınaraq, xüsusi karantin rejimi çərçivəsində tətbiq edilən məhdudiyyətlərin bir qismi yumşaldılmışdır. Bununla əlaqədar Şirvan şəhərinin park və xiyabanları əhalinin istirahəti üçün hazır vəziyyətə gətirilmişdir. Ərazilərdə təmizlik işləri aparılıb, oturacaqlar yerlərinə qaytarılıb, yeni gül-çiçək kompazisiyaları yaradılıb, ağaclar budanıb, çəmənliklərə qulluq göstərilib Əhalinin sağlamlığının qorunması məqsədi ilə iki gündən bir şəhərin küçə və prospektləri xüsusi texnikalarının köməyi ilə dezinfeksiyaedici maddələrlə yuyulub, Gigiyena və Epidemiologiya və “DOST İş Mərkəzi” MMC-nin dezinfeksiya və sosial xidmət işçilərindən ibarət xüsusi təlim keçmiş işçiləri tərəfindən yaşayış binalarının ətrafında, giriş bloklarında, pilləkən qəfəslərində, park və xiyabanlarda, uşaq əyləncə qurğularında, ödəniş terminallarında, avtomobil dayanacaqlarında, qəsəbələr də daxil olmaqla ümumilikdə 180-dən çox obyektdə dezinfeksiyaedici maddələrlə təmizlik işləri aparılıb. İnfeksiyasının yayılmasının və törədə biləcəyi fəsadların qarşısının alınması məqsədilə şəhər ərazisində zəruri və qabaqlayıcı profilaktik tədbirlərin həyata keçirilməsi davam etdirilir.

  • 28 may Respublika Günü münasibətilə onlayn el...

    28 may Respublika Günü münasibətilə onlayn elmi-prakriki konfrans keçirildi.

    2020-05-27

    27 may 2020-ci il tarixində Şirvan şəhər İcra Hakimiyyəti başçısının 15 may 2020-ci il tarixli Sərəncamı ilə təsdiq edilmiş Tədbirlər Planına uğyun olaraq Şirvan şəhər Təhsil Şöbəsi, şəhər Gənclər və İdman İdarəsi, şəhər Heydər Əliyev Mərkəzi, şəhər Gənclər Evi və ümumtəhsil məktəb direktorlarının iştirakı ilə 28 may Respublika Günü münasibəti ilə onlayn elmi-prakriki konfrans keçirilmişdir. Şəhər Təhsil Şöbəsinin müdiri Rövşən Allahverdiyev konfransda çıxış edərək qeyd edib ki, əsrlərlə azadlıq və müstəqillik arzusu ilə yaşayan Azərbaycan xalqı ötən əsrin əvvəllərində bu işıqlı may günündə arzusuna qovuşmuş, şərqdə ilk dəfə azad, demokratik, dünyəvi dəyərlərə söykənən müstəqil bir respublikanın yarandığını dünyaya bəyan edilmişdir. Cəmi 23 ay fəaliyyət göstərməsinə baxmayaraq, Xalq Cümhuriyyəti dövründə həyata keçirilən tədbirlər müstəqil dövlətçiliyimizin əsaslarının yaradılması və gələcək inkişaf yolunun müəyyənləşdirilməsi baxımından mühüm əhəmiyyət kəsb etmişdir. Gənclər və İdman İdarəsinin rəisi Azər Quliyev çıxışında qeyd edib ki, Azərbaycan Respublikasının prezidenti cənab İlham Əliyevin sərəncamı ilə 2018-ci ilin “Azərbaycan Xalq Cümhuriyyəti ili” elan olunması milli-mənəvi dəyərlərimizə, tariximizə, keçmişimizə verilən yüksək qiymətdir. Heydər Əliyev Mərkəzinin direktoru Aynur Fərzəliyeva, 14 nömrəli tam orta məktəbin direktoru Samirə İsmayılova, gənc fəal Qamət Əliyev və 2 nömrəli tam orta məktəbin direktoru Əminə Əliyeva çıxışlarında qeyd ediblər ki, 1991-ci ildə Sovet İttifaqının dağılması nəticəsində digər müttəfiq respublikalar kimi Azərbaycan də öz müstəqilliyinə qovuşdu və 1993-cü ildən sonra Azərbaycan yeni inkişaf yoluna qədəm qoydu, sabitlik təmin edildi və ölkəmiz inamla irəliyə getməyə başladı. Qeyd edilib ki, müstəqil Azərbaycan Xalq Cümhuriyyətinin varisidir və onların həyata keçirmək istədiyi niyyətlər bügün qüdrətli dövlətimiz tərəfindən reallaşdırılır və əminik ki, ölkəmizin dövlət müstəqilliyi uğurlu və əbədi olacaqdır.

  • Vətənpərvərlik mövzusunda mahnı müsabiqəsi...

    Vətənpərvərlik mövzusunda mahnı müsabiqəsi keçirildi.

    2020-05-26

    19-25 may 2020-ci il tarixlərində Şirvan şəhər Təhsil Şöbəsinin təşkilatçılığı əsasında ümumi təhsil məktəblərinin şagirdləri arasında vətənpərvərlik mahnılarından ibarət mahnı müsabiqəsi keçirilmişdir. Müsabiqə bir kateqoriya üzrə-vətənpərvərlik ruhunda mahnı-seçim turundan ibarət olmuşdur. İştirakçılar vətənpərvərlik ruhunda ifa olunan mahnının yazılmış video versiyasını şəhər Təhsil Şöbəsinin elektron poçt ünvanına göndərməklə müsabiqədə iştirak ediblər. Təşkilatçılar tərəfindən müsabiqənin keçirilməsində məqsəd karantin rejimi müddətində gənclərin asudə vaxtının səmərəli təşkili və məktəblilərin vətənpərvərlik ruhunda tərbiyəsidir. Müsabiqənin qalibləri münsiflər heyətinin seçimi əsasında müəyyən olunmuş və yekun qərarla 14 nömrəli tam orta məktəbin şagirdi Möminə Nurizadə I yerə, 16 nömrəli tam orta məktəbin şagirdi Məryəm Mehdizadə II yerə, 9 nömrəli tam orta məktəbin şagirdi Aqil Kərimli III yerə və 5 nömrəli ümumi orta məktəbin şagirdi Rəhman Axverdiyev isə həvəsləndirici yerə layiq görülüb. Müsabiqənin qalibləri təşkilatçılar tərəfindən diplom və hədiyyələrlə təltif olunublar.

  • Şirvan şəhər İcra Hakimiyyətinin başçısı...

    Şirvan şəhər İcra Hakimiyyətinin başçısı İlqar Abbasov Ramazan bayramı münasibəti ilə şəhər sakinlərini təbrik edib.

    2020-05-23

    Əziz Şirvanlılar, Sizi və xalqımızı mübarək Ramazan bayramı münasibətilə səmimi qəlbdən təbrik edir, hamınıza ən səmimi arzu və diləklərimi çatdırıram. İnsanları xeyirxahlığa, birliyə və mənəvi kamilliyə dəvət edən Ramazan ayı dünya müsəlmanları üçün ən əziz və müqəddəs aydır. Bu ayda oruc tutmaqla insanlar mənəvi-ruhi ucalığın, əxlaqi təmizliyin, şəfqət və mərhəmət hissinin sevincini yaşayır, Uca Yaradan qarşısında vicdani borc və vəzifələrini ləyaqətlə yerinə yetirməklə mənəvi zənginliyə yiyələnməyin fürsətini əldə etmiş olurlar. 2020-ci ildə Ramazan ayının bütün dünyanın qarşılaşdığı koronavirus pandemiyası ilə mübarizə dövrünə təsadüf etməsinə baxmayaraq, Azərbaycan Respublikasının Prezidenti cənab İlham Əliyevin rəhbərliyi ilə xalqımızın sağlamlığının qorunması, vətəndaşların sosial müdafiəsinin gücləndirilməsi istiqamətində qabaqlayıcı tədbirlərin həyata keçirilməsi üçün bütün lazımi imkanlardan istifadə olunmuşdur. Eyni zamanda xalqımız koronavirus pandemiyası ilə mübarizədə sosial yardımlaşma nümayiş etdirməklə öz milli-mənəvi dəyərlərinə sadiqliyini və həmrəyliyini göstərmişdir. Əminəm ki, xalqımızın nümayiş etdirdiyi bu birlik və bərabərlik qarşılaşdığımız çətinliyin öhdəsindən layiqincə gəlməyə kömək edəcəkdir. Həmişə milli-mənəvi dəyərlərə sadiqliyi ilə seçilən Şirvanlıları bir daha bayram münasibəti ilə təbrik edir, oruc və ibadətlərinizin qəbul olunması diləyi ilə hər birinizə möhkəm cansağlığı, xalqımıza xoşbəxtlik və xeyirli-bərəkətli günlər arzulayıram. Ramazan bayramınız mübarək olsun!

  • Şirvan şəhərində aztəminatlı ailələrə k...

    Şirvan şəhərində aztəminatlı ailələrə köməklik olundu.

    2020-05-23

    Ölkəmizdə elan olunmuş karantin rejimi müddətində koronavirus pandemiyasına qarşı dövlət tərəfindən həyata keçirilən tədbirlərə dəstək çərçivəsində Şirvan şəhər İcra Hakimiyyəti tərəfindən sosial müdafiəyə ehtiyacı olan ailələrə köməklik göstərilməsi ilə bağlı tədbirlər 23 may 2020-ci il tarixində də davam etdirilib. Belə ki, Şirvan şəhər İcra Hakimiyyətinin əməkdaşlarının və könüllü gənclərin iştirakı ilə şəhərin müxtəlif ünvanlarında yaşayan ahıl, tənha, sağlamlıq imkanları məhdud aztəminatlı ailələr ziyarət edilib, onlara gündəlik tələbatları üçün lazım olan ərzaq məhsulları verilib. Şəhər sakinlərinə özlərinin və ailə üzvlərinin sağlamlıqları naminə sanitar-epidemioloji normalara ciddi əməl etmələri tövsiyyə edilib, yoluxucu infeksiyadan qorunmaq məqsədi ilə karantin rejimi dövründə ictimai nəqliyyatda, ictimai-iaşə obyektlərində və qida məhsullarının ticarəti ilə məşğul olan müəssisələrdə davranış qaydaları ilə bağlı lazımi məlumatlar verilib. Şəhər sakinləri dövlətimizin diqqət və qayğısı ilə əhatə olunmalarına və onlara göstərilən köməkliyə görə öz minnətdarlıqlarını bildiriblər.

  • Şirvan şəhər İcra Hakimiyyəti və “PAŞA H...

    Şirvan şəhər İcra Hakimiyyəti və “PAŞA Holding” MMC Ramazan bayramı münasibəti ilə birgə sosial aksiya həyata keçiriblər.

    2020-05-22

    Koronavirus pandemiyasının yayılması səbəbindən ölkəmizdə elan olunmuş xüsusi karantin rejimi müddətində Azərbaycan Respublikasının Prezidenti cənab İlham Əliyevin rəhbərliyi altında qabaqlayıcı tədbirlərin həyata keçirilməsi davam etdirilir, xüsusi ilə aztəminatlı vətəndaşların sosial müdafiəsinin gücləndirilməsi, onlara maddi və mənəvi dəstək göstərilməsi istiqamətində bütün lazımi imkanlardan istifadə olunur. Görülən işlər içərisində məşğulluq və sosial rifaha dəstək işləri mühüm yer tutur. Pandemiyadan zərər çəkən sahələrdə işləyən insanların əməkhaqlarının əhəmiyyətli hissəsi dövlət tərəfindən qarşılanır, iki ay müddətində haqqı ödənilən ictimai iş yerləri yaradılıb, xüsusi karantin dövründə işləməyən 600 min insana iki ay ərzində 190 manat yardımın verilməsi təmin edilib. Ölkə Prezidentinin əhalinin rifah halının yaxşılaşdırılması və sosial müdafiəsinin gücləndirilməsi istiqamətində verdiyi tövsiyə və tapşırıqlara uyğun olaraq Şirvan şəhər İcra Hakimiyyətinin təşəbbüsü ilə xüsusi karantin rejimi dövründə ahıl, tənha və sağlamlıq imkanları məhdud 3 minə qədər ailə ziyarət edilmiş və onlara lazımi köməkliklər göstərilmişdir. Şəhər İcra Hakimiyyəti sosial müdafiəyə ehtiyacı olan ailələrə köməklik göstərilməsi ilə bağlı təşəbbüsünü müqəddəs Ramazan bayramı ərəfəsində də davam etdirib. Belə ki, Ramazan bayramı ərəfəsində, koronavirus pandemiyasına qarşı dövlət tərəfindən həyata keçirilən tədbirlərə dəstək çərçivəsində aztəminatlı ailələrə köməklik göstərilməsi ilə bağlı Heydər Əliyev Fondunun #"Biz Birlikdə Güclüyük!" təşəbbüsünə 22 may 2020-ci il tarixində “PAŞA Holding" MMC də təkrar qoşulub, Şirvan şəhər İcra Hakimiyyəti ilə birgə könüllü gənclərin iştirakı ilə şəhərin müxtəlif ünvanlarında yaşayan, ilk növbədə sosial müdafiəyə ehtiyacı olan 300 ailə ziyarət edilib və onlara gündəlik tələbatları üçün lazım olan ərzaq məhsulları verilib. Şəhər sakinləri dövlətimizin diqqət və qayğısı ilə əhatə olunmalarına və müqəddəs Ramazan bayramı ərəfəsində onlara verilən sosial dəstəyə görə ölkə rəhbərliyinə öz minnətdarlıqlarını bildirib, “PAŞA Holding” MMC-nin nümayəndələrinə təşəkkürlərini çatdırıblar.

  • Şirvan gəncləri könüllülük fəaliyyətində...

    Şirvan gəncləri könüllülük fəaliyyətində aktiv iştirak edirlər.

    2020-05-19

    Gənclərimiz cənab prezident İlham Əliyevin və Birinci vitse-prezident Mehriban xanım Əliyevanın çağırışına qoşularaq könüllülük fəaliyyətində aktiv iştirak edirlər. Bu çağırışlara cavab olaraq ölkəmizdə fəaliyyət göstərən könüllü təşkilatları və hərəkatları tərəfindən Azərbaycan Könüllülərinin Əlaqələndirmə Mərkəzi(AKƏM) yaradılıb və bu mərkəz fəaliyyətini davam etdirməkdədir. Qısa bir zamanda bu mərkəz tərəfindən respublikanın demək olar ki, bütün şəhər və rayonlarında könüllülər səfərbər olunublar. Onlar müxtəlif istiqamətlərdə aktiv fəaliyyət göstərirlər. ASAN xidmət mərkəzlərində başlayan könüllülük hərəkatı artıq digər sahələrdə də geniş yayılmaqdadır. Gənclərin fərdi inkişafına təkan vermək, onlarda sosial məsuliyyət hissini artırmaq, gəncliyin potensialından xalqın rifahı və ölkəmizin dayanıqlı inkişafı üçün səmərəli istifadə etmək məqsədi ilə Azərbaycan Respublikası Prezidentinin “Azərbaycan Respublikasında 2020-ci ilin “Könüllülər ili” elan edilməsi haqqında” 20 dekabr 2019-cu il tarixli Sərəncamı da çox böyük önəm daşıyır. Azərbaycanda könüllülük hərəkatının genişlənməsində Azərbaycan Respublikasının Birinci vitse-prezidenti Mehriban xanım Əliyevanın və “Heydər Əliyev Fondu”nun vitse-prezidenti Leyla xanım Əliyevanın da rolu çox böyükdür. Onların təşəbbüsü ilə həyata keçirilən bir çox layihələrə könüllü gənclər qoşulmuş və bu layihələrin həyata keçirilməsinə öz töhfələrini vermişlər. Ölkəmizdə elan olunmuş xüsusi karantin rejimi müddətində könüllülərin fəaliyyəti və fədakarlıqları danılmazıdır. Əhali ilə keçirilən maarifləndirici görüşlərdə könüllülər tərəfindən Şirvan şəhər sakinlərinə infeksiyanın sürətlə yayılma riski və törədə biləcəyi fəsadlar barədə ərtaflı məlumatlar verilib, onlara xüsusi karantin rejiminin tələblərinə və sanitar-epidemioloji normalara ciddi əməl etmələri və evda qalmalarını tövsiyə edilib. Eyni zamanda könüllülər karantin zamanı yaşı 65-dən yuxarı tənha şəxslərin evdə olduqları müddətdə gündəlik tələbatları ilə bağlı bu və ya digər zəruri ərzaq və avadanlıqların, dərman vasitələrinin alınmasına, müxtəlif ödənişlərin edilməsinə köməkliklər göstərmişdir. Könüllülər eyni zamanda "Böyüklərimizi qoruyaq” devizi altında şəhər ərazisində fiziki məhdudiyyəti olan insanların ünvanına baş çəkir, aztəminatlı və şəhid ailələri ilə görüşüb, onlara müxtəlif ərzaq və gündəlik tələbat məhsullarından ibarət bağlamalar çatdırırlar. Belə bir çətin və mürəkkəb məqamda Şirvan şəhərinin könüllüləri öz sinələrini önə verərək prosesdə aktiv iştirak ediblər. Könüllülərin fəaliyyətinin ən mühüm istiqamətlərindən biri də koronavirus infeksiyası səbəbindən yaranan qan qıtlığının aradan qaldırılması ilə bağlıdır. Bildiyiniz kimi, ölkəmizdə karantin rejimi tətbiq edildiyindən qan qıtlığı yaranmışdı və qana ehtiyacı olan insanların həyatı təhlükə altında qalmışdı. Bu istiqamətdə könüllülər tərəfindən çox mühüm aksiyaya start verildi. Belə ki, 8 aprel tarixində Azərbaycan Könüllülərinin Əlaqələndirmə Mərkəzi Milli Hematologiya və Transfuziologiya Mərkəzi – Qan Bankı ilə birlikdə "Könüllü Donor” aksiyasına start verdi. Bu nəcib aksiya çərçivəsində Şirvan könüllüləri də Qan Bankının şəhərimizdə yerləşən bölmələrində qanvermə aksiyasında fəal iştirak ediblər. Bu gün ölkəmizin gənclərinin-könüllülərimizin yaşlı, əlilliyi olan insanlara hörmət və qayğı ilə yanaşmaları, bu sahədə fəallıq göstərmələri onların hər şeydən əvvəl milli-mənəvi dəyərlərimizə sədaqət hisslərinin əyani təsdiqidir. Harda köməyə, yardıma ehtiyac varsa, orda könüllülər görünür.Könüllülərin belə təşkilatlanması gənclərimizə vətənə, millətə sevgini artırır.

  • Könüllülər-günümüzün əsl qəhrəmanları

    Könüllülər-günümüzün əsl qəhrəmanları

    2020-05-19

    Azərbaycan Respublikasının Prezidenti İlham Əliyevin və Birinci vitse-prezident Mehriban xanım Əliyevanın çağırışlarına cavab olaraq könüllülərimiz hər zaman xalqımızın yanındadılar. Azərbaycan xalqı əsrlər boyu xeyirxahlıq, fədakarlıq, könüllü və təmənnasız kömək ənənələrini yaşatmışdır. Könüllülük insanları vahid niyyət ətrafında birləşdirən, vətəndaş, cəmiyyət və dövlətin birgə fəaliyyətinin ən uğurlu formatıdır. Könüllülük həm də vətənpərvərlik məktəbi, öz xalqına, dövlətinə, milli-mənəvi dəyərlərə bağlılıq və xidmət örnəyidir. Bu fəaliyyətin təşviqi məqsədilə dövlətimiz tərəfindən zəruri addımlar atılmış, normativ hüquqi baza təkmilləşdirilmiş, dövlət dəstəyi mexanizmləri formalaşdırılmışdır. Könüllülük bir çox fəaliyyət sahələrinə nüfuz edərək ümummilli hərəkata çevrilmiş, ölkəmizin hər bir bölgəsinə, ictimai həyatın müxtəlif sahələrinə yayılaraq, cəmiyyətimizin bütün təbəqələrini əhatə etmiş, gənclərimizin həyat tərzinə çevrilmişdir. Müasir Azərbaycanda könüllülük sahəsində real inkişaf ulu öndər Heydər Əliyevin hakimiyyətə qayıdışından sonra başlayıb. Elə buna görə də könüllülük hərəkatının nəzərəçarpacaq yüksəlişi məhz ümummilli liderimizin adı ilə bağlıdır. Belə ki, dahi öndərin idarəçiliyinin ilk illərindən başlayaraq, hərtərəfli və davamlı inkişaf məqsədilə dövlət və özəl sektorlar, vətəndaş cəmiyyəti arasında əməkdaşlıq diqqət mərkəzində saxlanıldı. Bu prosesə insanları könüllü şəkildə cəlb etməyə, onların sahə təcrübəsindən yararlanmağa mühüm önəm verildi. Beləliklə, 1998-ci ildə Gənclər, İdman və Turizm Nazirliyi, BMT İnkişaf Proqramı və BMT Könüllüləri Proqramının birgə layihəsi fəaliyyətə başladı. 1998-2000-ci illərdə bu proqramın nəticəsi olaraq ölkədə güclü könüllü komandası yaradıldı və könüllülük prinsiplərinin geniş auditoriyaya təbliğinə start verildi. 1985-ci ildə iqtisadi və sosial inkişaf naminə hər il 5 dekabr BMT-nin Baş Məclisi tərəfindən “Beynəlxalq Könüllülər Günü” kimi qeyd edilməsi təklif olunub. Könüllülük bu gün milyonlarla insanın şəxsi və karyera inkişafına imkan yaradır, cəmiyyətin rifahına xidmət edir. ASAN, “Regional İnkişaf” İctimai Birliyi, “Bir” Tələbə könüllülüləri və digər könüllü hərəkatları yaranmış, mərkəzi və yerli icra hakimiyyəti orqanlarında on minlərlə gənci birləşdirən könüllü qrupları formalaşmışdır. Könüllülərimiz öz kreativliyi, təşəbbüskarlığı, innovativ düşüncə tərzi və müasir dünyagörüşləri ilə qoşulduqları fəaliyyətə yeni nəfəs vermiş, ölkəmizdə Avroviziya Mahnı Müsabiqəsi, I Avropa Oyunları, “Formula 1” yarışları, IV İslam Həmrəyliyi Oyunları kimi irimiqyaslı beynəlxalq tədbirlərin həyata keçirilməsində əvəzsiz rol oynamışlar. 2019-cu il Gənclər günü münasibətilə keçirilən Respublika toplantısında cənab Prezident İlham Əliyev könüllülük fəaliyyətinin önəmini bir daha vurğulayaraq bütün sahələrə könüllülərin cəlb olunmasını tapşırıq kimi qarşıya qoydu. Bundan sonra artıq Beynəlxalq və ölkə səviyyəsində keçirilən tədbirlərlə yanaşı, bir çox qurumlarda, o cümlədən şəhər və rayonların İcra Hakimiyyətlərində, Gənclər Evlərində, Aqrar İnkişaf mərkəzlərində könüllülərin fəaliyyəti nəzərəçarpacaq dərəcədə artdı və fəaliyyətdə olan könüllülər ölkəmizin ictimai-siyasi, sosial-mədəni həyatında aktiv iştirak etməyə başladılar. Cənab Prezidentimiz İlham Əliyevin gənclərin könüllü fəaliyyəti ilə bağlı fikirlərində qeyd olunduğu kimi.....”Mən şadam ki, Azərbaycanda çox müasir, dövlətə, Vətənə bağlı olan gənc nəsil yetişir və könüllülərin fəaliyyəti xüsusi əhəmiyyət daşıyır. Çünki siz bu işlərə könüllü şəkildə qoşulmusunuz, özünüz bu təşəbbüsü göstərmisiniz və işinizlə ölkəmizin ümumi inkişafına töhfənizi verirsiniz.. Həqiqətən də ölkəmizdə Beynəlxalq miqyaslı tədbirlərin, idman yarışlarının keçirilməsində könüllü gənclərin böyük rolu vardır. Ölkəmizdə günü-gündən inkişaf edən könüllülük hərəkatı Gənclər Evlərinin də fəaliyyətində ön plana çıxır. Şirvan Gənclər Evinin fəaliyyətə başladığı ilk gündən könüllülük fəaliyyəti prioritet məsələ kimi qarşıya qoyulmuş, gənclərin könüllü fəaliyyətə cəlb olunması istiqamətində müxtəlif təlim və seminarlar təşkil olunmuşdur. Gənclər Evində könüllü olan hər bir gəncin qarşısına qoyduğumuz əsas məqsəd könüllülükdə keçən vaxtdan düzgün istifadə etmək, bir gənc olaraq inkişaf etmək, dövlətimiz üçün layiqli vətəndaş kimi yetişməkdir. Könüllülərin dünyagörüşünün inkişafı, dil biliklərinə yiyələnməsi, məntiqi biliklərinin artırılması, Gənclər Evindən lazımi səviyyədə yararlanması üçün hər cür şərait yaradılıb, bir sıra təlim və seminarlar, layihələr təşkil olunur. Bu da o deməkdir ki, gənclər könüllü olaraq həm çalışır, həm öyrənib inkişaf edir və həm də gələcəyini qururlar. Şirvan Gənclər Evinin könüllüləri ölkəmizin və şəhərimizin ictimai-mədəni həyatında daim aktiv iştirak edirlər. Beləki, 2020-ci ilin mart ayına qədər müxtəlif fəaliyyətlərdə aktiv iştirak edən könüllülər pandemiya dövründən sonra daha fəal olmağa, çətin günlərdə xalqımıza yaralı olmağa çalışdılar. COVİD- 19 pandemiyasına görə karantin elan olunduqdan sonra Şirvan Gənclər Evinin könüllüləri qruplara ayrılaraq ilk öncə şəhər ərazində insanlar arasında maarifləndirmə və virusdan qorunma üsulları barədə məlumatlandırma işləri apardılar. Bundan sonra şəhər İcra Hakimiyyətinin təşkilatçılığı ilə aztəminatlı ailələr üçün ayrılan ərzaqların paylanmasında könüllülər xüsusi aktivliklə iştirak etdilər. Paralel olaraq şəkərli diabed xəstələri üçün ayrılan dərmanlar aprel ayı ərzində könüllülər tərəfindən evlərində onlara çatdırıldı. Bununla da həm xəstəliyi olan insanlara yardım etmiş oldular və həm də bir çox şəhər sakininin evdəqal aksiyasına qoşulamasına zəmin yaratdılar. Bütün bunlarla yanaşı bir qrup könüllər aztəminatlı, işsiz insanlar üçün nəzərdə tutulan yardımın verilməsi üçün qeydiyyatın aparılması, habelə müxtəlif çətinliklərlə üzləşən insanların problemlərinin həllinə yardım etmək məqsədilə aprel ayı ərzində Məşğulluq mərkəzinin əməkdaşlarına köməklik göstərdilər. Könüllülər tənha yaşlılara, aztəminatlı ailələrə baş çəkir, onların zəruri ehtiyaclarının qarşılanmasına köməklik göstərdilər. Talassemiya və hemofiliya xəstəliyindən əziyyət çəkən, koronavirus infeksiyası ilə əlaqədar olaraq təcili əməliyyata və bununla əlaqədar qana ehtiyacı olan şəxslərin həyatı üçün yaranan təhlükənin aradan qaldırılmasında könüllülərin fəaliyyəti danılmazdır. Könüllülər Şirvan şəhər Mərkəzi Xəstəxanasının Qan Bankında təşkil olunan qanvermə aksiyasında fəal iştirak etmişlər. Əslində hər bir insan öz həyatının könüllüsüdür. Yəni insan özü üçün nələrsə etdikdə qarşılığında özündən mənfəət gözləmir, özünün inkişafını və yaxud özünün nəsə əldə etməsi üçün bunu edir. Lakin hər hansı bir sahədə könüllü fəaliyyətlə məşğul olmağın insanın özü üçün könüllü nələrsə etməkdən bir fərqi var. O da etdiyi işin özü üçün yox, digərləri üçün nəzərdə tutulması və əldə etdiyinin özü ilə bərabər digərlərinə də xeyirli olmasıdır. Könüllü fəaliyyət növü yeganə fəaliyyət növüdür ki, görülən işin ağır və ya yüngül olmasına baxmayaraq bir adla adlandırılır – KÖNÜLLÜ! Azərbaycan gəncliyi, bütün könüllülər ordusu inanır ki, müstəqil və qüdrətli Azərbaycanımız hörmətli Prezidentimiz cənab İlham Əliyevin rəhbərliyi və Birinci vitse Prezident Mehriban xanım Əliyevanın diqqət və qayğısı sayəsində böyük uğurlara imza atmağa davam edəcək və daim zirvələrdə olacaqdır!

  • Könüllülərin fəaliyyəti davam edir

    Könüllülərin fəaliyyəti davam edir

    2020-05-19

    Azərbaycan Respublikasının Prezidenti cənab İlham Əliyevin və Birinci vitse-prezident Mehriban xanım Əliyevanın birbaşa dəstəyi nəticəsində son illər ərzində ölkəmizdə könüllülük hərəkatı geniş vüsət almış, Azərbaycan Könüllülərinin Əlaqələndirmə Mərkəzi öz fəaliyyət dairəsini genişləndirməkdədir. Yeni növ koronovirus infeksiyasının yarada biləcəyi təhlükə ilə mübarizədə dövlət tərəfindən həyata keçirilən tədbirlərin dəstəklənməsi məqsədilə 27 mart 2020-ci il tarixində formalaşan və fəaliyyətində bir sıra könüllü təşkilatları, ictimai birlikləri birləşdirən Mərkəzin işinin əlaqələndirilməsi Azərbaycan Respublikası Gənclər Fondu tərəfindən həyata keçirilir. Azərbaycan Könüllülərinin Əlaqələndirmə Mərkəzinin rəhbərliyi ilə keçirilən aksiyalar çərçivəsində könüllülər tənha yaşlılara, aztəminatlı ailələrə baş çəkir, onların zəruri ehtiyaclarının qarşılanmasına köməklik göstərir, həmçinin koronavirus infeksiyası ilə əlaqədar olaraq qan qıtlığının təcili qana ehtiyacı olan şəxslərin həyatı üçün yaratdığı təhlükənin aradan qaldırılmasına fəal töhfə verirlər. Qısa zamanda Mərkəz tərəfindən respublikanın demək olar ki, bütün şəhər və rayonlarında könüllülər səfərbər olunmuş, onların əlaqələndirilməsi və lazımi fəaliyyətlərə yönləndirilməsi həyata keçirilmişdir. Könüllülər minlərlə tənha ahılların, aztəminatlı ailələrin, şəhid ailələrinin, fiziki məhdudiyyəti olan şəxslərin evlərinə baş çəkmiş, onlara müxtəlif ərzaq və gündəlik təlabat məhsullarından ibarət bağlamaların çatdırılmasında köməklik göstərmişlər. Könüllülər eyni zamanda vətəndaşların öz vəsaiti hesabına gündəlik ərzaq məhsullarının, dərman vasitələrinin alınmasına və kommunal ödənişlərinin həyata keçirilməsinə köməklik göstərir, Qan Bankının paytaxtda və regionlarda yerləşən bölmələrində qanvermə aksiyasında fəal iştirak edirlər. Onlar əhali arasında koronavirus infeksiyası ilə bağlı maarifləndirmə işlərinin aparılması, küçədə maskasız gəzən şəxslərə tibbi maskaların paylanması, həmçinin günümüzün görünməyən qəhrəmanları olan polis və tibb işçilərinə könüllülər adından təşəkkür mesajlarının çatdırılmasında da böyük həvəslə iştirak edirlər.

  • Laçının işğalından 28 il ötür

    Laçının işğalından 28 il ötür

    2020-05-18

    Ermənistan Respublikasının ölkəmizə qarşı hərbi təcavüzünün davamı kimi 1992-ci il mayın 18-də keçmiş Dağlıq Qarabağ Muxtar Vilayətinin tərkibinə daxil olmayan Laçın rayonu işğal edilib. İşğal nəticəsində Laçın rayonunun əhalisi etnik təmizləməyə məruz qalıb və hazırda 77 min nəfərdən artıq Laçın sakini Azərbaycanın müxtəlif bölgələrində məcburi köçkün kimi yaşayır. Ermənistan tərəfindən rayonda dövlət və özəl mülkiyyətə ciddi zərər yetirilib. Belə ki, 217 mədəniyyət, 101 təhsil, 142 səhiyyə müəssisəsi, 462 ticarət, 30 rabitə, 2 avtonəqliyyat və müxtəlif təyinatlı istehsal müəssisələri talan və məhv edilib. Dünya əhəmiyyətli 54, yerli əhəmiyyətli 200-dən çox tarixi abidə vandalizmə məruz qalıb. VI əsrə aid Alban Ağoğlan məbədi, XIV əsrə aid Məlik Əjdər türbəsi, Qaraqışlaq kəndində məscid, Zabux kəndində qədim qəbiristanlıq bunların sırasındadır. Laçın Tarix Muzeyi və onun qızıl, gümüş və tunc sikkələrdən ibarət qədim kolleksiyası talan edilib. Ermənistan işğalçı tərəf olaraq Cenevrə Konvensiyaları ilə üzərinə düşən öhdəliklərini kobud şəkildə pozaraq, Laçın rayonunda coğrafi adları dəyişdirib. Rayonun təbii resurslarını talan edib.Suriyadan olan erməni əsilli qaçqınları orada məskunlaşdırmaqla qeyri-qanuni əməllərini davam etdirir. Avropa İnsan Hüquqları Məhkəməsi “Çıraqov və digərləri Ermənistana qarşı” işi üzrə Azərbaycanın Laçın rayonundan məcburi qovulmuş Azərbaycan vətəndaşlarının xeyrinə qərar qəbul edərək, onların İnsan Hüquqları və Fundamental Azadlıqların qorunmasına dair Konvensiya üzrə mülkiyyət hüququ, şəxsi və ailə həyatına hörmət kimi hüquqlarının pozulduğunu təsbit edib. Qərarın 19-20-ci paraqraflarında Laçın rayonu, xüsusən Laçın şəhərinin hərbi hücuma məruz qalması, 1992-ci il may ayının ortalarında Laçının havadan bombardman edilməsi və bunun nəticəsində çoxlu sayda evlərin dağıdılması, şəhərin talan edilməsi və yandırılması, hərbi münaqişə dövründə Laçın və ətraf kəndlərin tamamilə dağıdılması öz təsdiqini tapıb. Ermənistan Azərbaycanın Dağlıq Qarabağ bölgəsini və ətraf rayonları işğal etməklə əsl niyyətinin hərbi təcavüz yolu ilə ərazi əldə etmək olduğunu ortaya qoyur. Ermənistanın kəskinləşən hərbi təcavüzü şəraitində BMT-nin Təhlükəsizlik Şurası 1993-cü ildə 822, 853 , 874 və 884 saylı qətnamələri qəbul edərək, Azərbaycan ərazilərinin işğalını pisləyib, Azərbaycanın ərazi bütövlüyünü, suverenliyini və Dağlıq Qarabağın Azərbaycanın ayrılmaz hissəsi olduğunu bir daha təsdiq edərək işğalçı qüvvələrin zəbt olunmuş ərazilərdən dərhal, qeyd-şərtsiz və tam çıxarılmasını tələb edib. Ermənistan BMT Təhlükəsizlik Şurasının qətnamələrinin tələblərini yerinə yetirməyərək işğal olunmuş Azərbaycan ərazilərinin ilhaq edilməsinə yönəlmiş siyasət yürüdür. Beynəlxalq hüququn normalarına və BMT Nizamnaməsinə zidd olaraq Ermənistan tərəfindən Azərbaycana qarşı qeyri-qanuni gücdən istifadə nəticəsində, işğal olunmuş ərazilərindən 700 mindən artıq yerli azərbaycanlıların zorla qovulması, onların fundamental hüquq və azadlıqlarının kütləvi pozulması müqabilində Ermənistanın Azərbaycanın Dağlıq Qarabağ bölgəsində yaşayan sayı 90 mindən az olan erməni azlığın “öz müqəddəratını təyin etmək” və “insan hüquqları” kontekstində təqdim etmək cəhdləri cəfəngiyatdır və heç bir mənəvi, hüquqi və siyasi çərçivəyə sığmır. Azərbaycan münaqişənin tezliklə həlli istiqamətində beynəlxalq səylərin artırılmasını dəstəkləyərək, beynəlxalq səviyyədə tanınmış sərhədləri daxilində ərazi bütövlüyü və suverenliyini, vətəndaşlarının pozulmuş hüquqlarını bərpa etmək hüququnu özündə saxlayır. Ümummilli Liderimiz Heydər Əliyevin siyasi kursunu, işğal altında olan torpaqlarmızı sülh yolu ilə azad etmək siyasətini ardıcıl davam etdirən Azərbaycan Respublikasının Prezidenti cənab ilham Əliyevin məsələ ilə bağlı atdığı qətiyətli addımlar, həyata keçirdiyi tədbirlər bunu bir daha təsdiq edir.Məcburi köçkünlərə, o cümlədən laçınlılara dövlət səviyəsində daim diqqət və qayğı göstərilir. Birinci vitse-Prezidentimiz Mehriban xanım Əliyevanın humanizmə, mərhəmət və nəcibliyə söykənən hərtərəfli fəaliyyəti sayəsində məcburi köckunlərin, o cümlədən Laçınlıların da qayğıları və sosial problemləri ardıcıl həll edilir. Həyata keçirilən bu siyasət yerlərdə də davam etdirilir. Şirvan şəhər İcra Hakimiyyəti də şəhərdə məskunlaşan digər məcburi köçkünlərlə yanaşı Laçından olan 40 ailəni də diqqət və qayğı ilə əhatə edir. Azərbaycan Respubliklasının Prezidenti cənab İlham Əliyevin tapşırığı nəticəsində Şirvan şəhərində yeni salınan məktəb, uşaq bağçası və digər sosial infirasturukturla təmin edilmiş hərcür şəraiti olan şəhərcikdə onlara mənzillər verilib. Laçınlılar onlara göstərilən diqqət və qayğıya görə Azərbaycan Respublikasının Prezidenti cənab ilham Əliyevə və Birinci-vitse prezident Mehiriban xanım Əliyevaya təşəkkür və minnətdarlıqlarını bildirirlər.

  • Şirvan şəhər İcra Hakimiyyətinin başçısı...

    Şirvan şəhər İcra Hakimiyyətinin başçısı İlqar Abbasov tərəfindən növbəti video-müşavirə keçirilib.

    2020-05-13

    Azərbaycan Respublikasının ərazisində xüsusi karantin rejiminin müddətinin uzadılması və həmin rejimlə əlaqədar tətbiq edilən bəzi məhdudiyyətlərin aradan qaldırılması barədə Azərbaycan Respublikası Nazirlər Kabinetinin 01 may 2020-ci il tarixli 163 nömrəli Qərarından irəli gələn vəzifələrlə əlaqədar Şirvan şəhər İcra Hakimiyyətində növbəti video-konfrans şəklində müşavirə keçirilib. Şəhər İcra Hakimiyyətinin başçısı İlqar Abbasovun rəhbərliyi ilə keçirilən müşavirəyə Şirvan şəhər İcra Hakimiyyəti başçısının müavinləri, şəhərin səhiyyə, təhsil və mədəniyyət müəssisələrinin rəhbərləri, şəhər Bələdiyyəsinin sədri, şəhər Məşğulluq Mərkəzinin direktoru, Statistika idarəsinin rəisi, xidmət təşkilatlarının rəhbərləri, şəhər və qəsəbə icra nümayəndələri qatılıb. Video-müşavirədə çıxış edən Şirvan şəhər İcra Hakimiyyətinin başçısı İlqar Abbasov koronavirus(COVID-19) pandemiyasının Azərbaycan ərazisində yarada biləcəyi təhlükənin qarşısının alınması məqsədi ilə Azərbaycan Respublikasının Prezidenti cənab İlham Əliyevin rəhbərliyi ilə zəruri qabaqlayıcı tədbirlər görüldüyünü, profilaktik və təxirəsalınmaz tədbirlərin həyata keçirilməsinin davam etdirildiyini bildirib. İlqar Abbasov xüsusi karantin rejimi müddətində təxirəsalınmaz tədbirlərlə əlaqədar şəhər İcra Hakimiyyəti tərəfindən Operativ Qərərgahın yaradıldığını, həyata keçiriləcək işlərlə əlaqədar tədbirlər planının təsdiq edildiyini və sanitariya-gigiyena qaydalarına ciddi riayət edilməsi istiqamətində profilaktik tədbirlərin davam etdirildiyini qeyd edib. Azərbaycan Respublikası Nazirlər Kabinetinin müvafiq qərarı ilə karantin rejimi dövründə fəaliyyətinə icazə verilmiş sahələr üzrə metodiki göstərişlərin hazırlandığı və həmin göstərişlərə uyğun olaraq xüsusi karantin rejimi dövründə sanitariya vəziyytinin tənzimləndiyi bildirilib. İcra Hakimiyyətinin başçısı İlqar Abbasov cənab Prezident tərəfindən verilmiş tapşırıqlardan düzgün nəticə çıxarmayan, rüşvət və korrupsiya hallarına son qoymayan və dövlətin mənafeyinə ciddi zərbə vuran şəxslərin dövlət tərəfindən ciddi cəzalandırılmasının davam etdirildiyini, eyni zamanda xüsusi karantin rejimi dövründə hərəkət etmək üçün qanunsuz olaraq arayış vermiş 2 icra nümayəndəsi barədə şəhər İcra Hakimiyyətinin başçısı tərəfindən toplanmış materialların araşdırılaraq müvafiq tədbirlərin görülməsi üçün şəhər prokurorluğuna göndərildiyini bildirmişdir. İlqar Abbasov qeyd edib ki, dövlət qulluğunda işləyən hər bir məsul şəxs dövlətin mənafeyinə uyğun fəaliyyəti özünün gündəlik vəziləri olaraq müəyyənləşdirməlidir. Video-müşavirədə iştirak edənlər öz çıxışlarında xüsusi karantin rejiminin müddətinin uzadılması və həmin rejimlə əlaqədar tətbiq edilən bəzi məhdudiyyətlərin aradan qaldırılmasından sonra fəaliyyət sahələri üzrə yeni növ koronavirus(COVİD-19) infeksiyasının yayılmasının qarşısının alınması istiqamətində şəhər ərazisində gördükləri işlər və həyata keçirilən qabaqlayıcı tədbirlər barədə ətraflı məlumat veriblər. Sonda İcra Hakimiyyətinin başçısı xüsusi olaraq qeyd edib ki, Nazirlər Kabineti yanında Operativ Qərargahın məlumatına görə COVID-19 virusuna yoluxma dinamikası və xəstəliklə bağlı ölkədəki vəziyyət təhlil olunduqdan sonra zərurət yaranacağı halda xüsusi karantin rejim yenidən sərtləşdirilə bilər. Bu səbəbdən İlqar Abbasov video-müşavirə iştirakçılarını xüsusi karantin rejimində tətbiq edilən bir sıra məhdudiyyətlərin yumşaldılmasından arxayınlaşmamağa və xüsusi karantin rejiminin tələblərinə ciddi riayət etməyə çağırıb, eyni zamanda aidiyyəti qurumların rəhbərlərinə tövsiyyə və tapşırıqlarını verərək xüsusi karantin rejimi müddətində sanitariya-gigiyena qaydalarına nəzarət işlərinin və profilaktik tədbirlərin davam etdiriləcəyini bildirib.

  • Hazırda qlobal liderliyə ehtiyac duyulduğu bir ...

    Hazırda qlobal liderliyə ehtiyac duyulduğu bir şəraitdə Azərbaycan Respublikasının Prezidenti İlham Əliyev dünyanın müxtəlif siyasi və ideoloji quruluşlara malik ölkələrini bir araya gətirməyə nail oldu.

    2020-05-13

    Bəşəriyyət aylardır amansız düşmənlə-COVİD-19 pandemiyası ilə sözün əsl mənasında “ölüm və olum” savaşı, varolma mübarizəsi aparır. Bu ümumbəşəri bəlaya qarşı hər bir dövlət əsasən öz sərhədləri və imkanları çərçivəsində mübarizə aparır. Azərbaycan bu mübarizənin ön sıralarındadır və Prezident İlham Əliyevin rəhbərliyi, qətiyyəti, iradəsi və uzaqgörən siyasəti sayəsində ölkəmiz pandemiyaya qarşı mübarizədə uğur qazanıb, görülən qabaqlayıcı tədbirlər nəticəsində yoluxmanın kütləvi və sürətli yayılmasının qarşısı alınıb. Prezidentin sərəncamı ilə Nazirlər Kabineti yanında Operativ Qərargahın, Koronavirusla Mübarizəyə Dəstək Fondunun yaradılması, COVİD–19 pandemiyasına qarşı görülmüş qabaqlayıcı tədbirlərə görə Azərbaycan nümunəvi ölkə kimi dəyərləndirilir. Tarix hər zaman bir həqiqəti təsdiqləyib ki, pandemiya ilə mübarizədə ümumi düşmənə qarşı qlobal əməkdaşlıq və birgə səyləri birləşdirməklə qalib gəlmək mümkün olacaqdır. Bu mənada Azərbaycanın öncüllüyü diqqəti çəkir. Türk Dilli Dövlətlərin Əməkdaşlıq Şurasının sədri İlham Əliyevin təşəbbüsü ilə aprelin -10 da Türk Şurasının videokonfrans formatında keçirilən Zirvə görüşü COVİD-19 pandemiyası ilə mübarizədə beynəlxalq və regional əməkdaşlığa ilk və ciddi çağırış oldu. Zirvə görüşünə qatılan dövlət başçıları Azərbaycan Prezidentinin bu təşəbbüsünü və liderliyini yüksək qiymətləndirdilər. COVİD–19 pandemiyasına qarşı mübarizədə ölkəmiz əldə etdiyi təcrübəni dünya birliyi ilə paylaşmağa hazır olduğunu bəyan etməklə humanizm, həmrəylik, birgəyaşayış, birlik və bərabərlik mesajlarını verdi...

  • Ümumdünya Səhiyyə Təşkilatının Baş direkt...

    Ümumdünya Səhiyyə Təşkilatının Baş direktorunun Azərbaycan Respublikasının Prezidentinə ünvanladığı məktubda Azərbaycanda görülmüş işlərə yüksək qiymət verilmiş və pandemiyaya qarşı görülmüş tədbirlərə görə nümunəvi ölkə kimi dəyərləndirilmişdir.

    2020-05-13

    Son zamanlaradək elm üçün naməlum qalan virus kəskin ağciyər xəstəliklərinə səbəb olur. İlk dəfə 31 dekabr 2019-cu ildə Çinin Uhan şəhərində qeydə alınmış yeni koronavirusun (COVID-2019) yayılmasının qarşısının alınmasına dair Ümumdünya Səhiyyə Təşkilatı (ÜST) və BMT mühüm tədbirlər planı hazırlamışdır. COVİD-19 adı verilən koronavirus artıq Azərbaycan da daxil olmaqla, 210-dan çox ölkə və ərazidə yayılıb. Qabaqlayıcı tədbirlərin görülməsi nəticəsində Azərbaycanda hazırda koronavirus xəstəliyinin yayılması geniş vüsət almayıb. Hal hazirda 2279 nəfər yoluxma qeydə alınıb. 1576 həfər müalicə olunaraq sağalmış,28 nəfər vəfat etmiş, 675 nəfərin xüsusi rejimli xəstəxanalarda müalicəsi davam etdirilir. Azərbaycan koronavirus pandemiyasına qarşı mübarizədə həm ölkə daxilində, həm də dünyada öz fəal rolunu oynayır. Azərbaycan qlobal həmrəylik nümayiş etdirərək koronavirusa qarşı mübarizədə Ümumdünya Səhiyyə Təşkilatına könüllü maliyyə yardımı ayırmışdır. Mart ayının 13-də Azərbaycan tərəfindən Ümumdünya Səhiyyə Təşkilatının strateji hazırlıq və cavab planı çərçivəsində COVID-19 mübarizə Fonduna könüllü maliyyə yardımının ayrılmasını nəzərdə tutan donor sazişi imzalanmışdır. Prezident İlham Əliyev Qoşulmama Hərəkatının “Ümumdünya Səhiyyə Təşkilatı və onun Baş direktoruna dəstək” adlı 9 aprel tarixli bəyanatını məmnuniyyətlə xatırladaraq bildirmişdir. “Ümumdünya Səhiyyə Təşkilatının Baş direktoru tərəfindən martın 23-də mənə ünvanlanmış məktubda Azərbaycanda görülmüş işlərə yüksək qiymət verilmişdir. Azərbaycan pandemiyaya qarşı görülmüş tədbirlərə görə nümunəvi ölkə kimi dəyərləndirilmişdir. Dövlətimizin başçısı Azərbaycana göstərdiyi dəstəyə və Zirvə Görüşündə iştirakına görə doktor Tedros Adhanom Qebreyesusa öz təşəkkürünü bildirərək dedi: “Bu Azərbaycanın təşəbbüsü ilə keçirilən ikinci Zirvə Görüşüdür. Sədri olduğumuz Türkdilli Dövlətlərin Əməkdaşlıq Şurasının mənim təşəbbüsüm ilə aprelin 10-da COVID-19-a qarşı Zirvə Görüşü keçirilmişdir. Həmin Zirvə Görüşündə Ümumdünya Səhiyyə Təşkilatının Baş direktoru da iştirak etdi və dəyərli tövsiyələrini verdi”. Biz Ümumdünya Səhiyyə Təşkilatının pandemiyaya qarşı qlobal mübarizədə oynadığı mühüm rolu yüksək qiymətləndiririk. On altı il ərzində Azərbaycanın səhiyyə sistemində köklü işlər görülmüşdür. Həkimlərin peşəkarlıq səviyyəsi yüksəlmişdir, 750-dən çox səhiyyə ocağı tikilmiş və ya tam təmir olunmuşdur. Hər il Azərbaycanda 5 milyondan çox insan dövlət xəstəxanalarında tibbi müayinədən keçir. Bu müayinə tədbirləri bir sıra xəstəliklərin yayılmasının qarşısının alınmasında mühüm profilaktik əhəmiyyət kəsb edir. Koronavirus xəstələri 20-dən artıq dövlət xəstəxanasında müalicə olunurlar. Pandemiyanın ilk günlərindən biz Ümumdünya Səhiyyə Təşkilatı ilə təmasdayıq. Təşkilatın aparıcı mütəxəssislərindən ibarət heyət müraciətimiz əsasında mart ayında ölkəmizə səfər edərək vəziyyətlə tanış olub. Ölkəmizin ən müasir və “Yeni klinika” adlanan xəstəxanası onların ixtiyarına verilmişdir. Bu ilin mart ayında ölkəmizin 3 şəhərində üç yeni xəstəxana istifadəyə verilmişdir. Onların ümumi çarpayı sayı 500-dən çoxdur. Bu xəstəxanalar da koronavirus xəstələrinin ixtiyarına verilmişdir. Qısa müddət ərzində 6-sı dövlət, 4-ü isə özəl sahibkarlar tərəfindən tikilməklə, hər birinin 200 çarpayı yeri olan 10 müasir modul tipli xəstəxananın istifadəyə verilməsi nəzərdə tutulur. Həkimlərimizin və tibb işçilərimizin koronavirus xəstəliyinə qarşı mübarizədə xidmətlərini yüksək qiymətləndiririk. Koronavirus xəstələrinə xidmət göstərən həkimlərin əmək haqqı 3, 4 və 5 misli məbləğində artırılıb. Artıq may ayının 7-də Bakıda modul tipli ilk xəstəxana kompleksinin açılışında Ölkə Prezidenti cənab İlham Əliyev və birinci xanım Mehriban Əliyeva da iştirak etmişdir. Azərbaycan Respublikasında koronavirus (COVİD-19) infeksiyasının yayılması təhlükəsinin qarşısının alınması ilə əlaqədar Ümumdünya Səhiyyə Təşkilatının və Azərbaycan Respublikası Nazirlər Kabineti yanında Operativ Qərargahın tövsiyələrinə əməl edilməklə virusun yayılmasına qarşı mübarizə öz nəticəsini verir. Şirvan Şəhər Mərkəzi Xəstəxanası PHŞ-in direktoru Fərhad Səfərov

  • Bu gün Aprel şəhidi Rahil Ərəblinin xatirə g...

    Bu gün Aprel şəhidi Rahil Ərəblinin xatirə günüdür.

    2020-05-13

    Azərbaycan Respublikasının ərazi bütövlüyü uğrunda canını fəda etmiş şəhidlərimizin xatirəsi dövlətimiz tərəfindəndən daim əziz tutulur, onların ailələrinə lazımı diqqət və qayğı göstərilir. Belə şəhidlərimizdən biri də Rahil Rafiq oğlu Ərəblidir. Rahil Rafiq oğlu Ərəbli 14.04.1996-cı ildə Şirvan şəhərinin Hacıqəhrəmanlı qəsəbəsində anadan olmuşdu. O, Hacıqəhrəmanlı qəsəbəsində yerləşən 12 nömrəli tam orta məktəbdə oxumuş, əsil vətənpərvər gənc kimi yetişmişdi. Bunu, onun keçdiyi sonrakı həyat yolu bir daha təsdiqlədi. Rahil Ərəbli 12 may 2016-cı il tarixdə Ağcabədi rayonu ərazisində yerləşən “N” saylı hərbi hissədə xidməti borcunu yerinə yetirərkən düşmənlə təmas xəttində aldığı qəlpə yarasından şəhid olmuşdur. Şəhid Rahil Ərəbli 2016-cə ildə “Hərbi xidmətdə fərqlənməyə görə” 3-cü dərəcəli medalla təltif edilmişdir. Şirvan şəhər İcra Hakimiyyəti və şirvanlılar tərəfindən şəhid Rahil Ərəblinin xatirəsi daim əziz tutulur, ailəsinə vaxtaşırı maddi və mənəvi dəstək göstərilir. Şəhidin doğulub boya-başa çatdığı Hacıqəhrəmanlı qəsəbəsində, əvvəllər yaşadığı evin yanında “Şəhid Rahil Ərəbli” guşəsinin inşa edilməsi və xatirəsinin daim əziz tutulması bunu bir daha təsdiq edir. Bu gün də xüsusi karantin rejiminin qaydaları gözlənilməklə Şirvan şəhər İcra Hakimiyyətinin məsul işçiləri və ictimaiyyət nümayəndələri öncə Şəhid Rahil Ərəblinin Şəhidlər xiyabanında uyuyan məzarını ziyarət etmiş, əziz xatirəsini gül-çiçək dəstələri ilə yad edərək ruhuna dualar etmiş, sonra Şəhidin valideynləri ilə görüşərək dərin hüzünlə başsağlığı vermişlər. Şirvan şəhər İcra Hakimiyyətinin rəhbərliyi də Şəhid Rahil Ərəblinin əziz xatirəsini bir daha yad edir, ruhuna Allahdan rəhmət, valideynlərinə və yaxınlarına səbr diləyir. Allah bütün Şəhidlərimizə rəhmət eləsin.

  • Şirvan şəhərində içməli su təhcizatı və ...

    Şirvan şəhərində içməli su təhcizatı və kanalizasiya şəbəkələrinin yenidən qurulması istiqamətində tədbirlər davam etdirilir.

    2020-05-13

    2020-ci ilin keçən dövrü ərzində Şrvan şəhərinin içməli su təhcizatının və kanalizasiya şəbəkələrinin mərhələli şəkildə yenidən qurulması istiqamətində lazımi tədbirlər həyata keçirilib. “Azərbaycan Respublikası regionlarının sosial-iqtisadi inkişafı Dövlət Proqramı”na uyğun olaraq şəhərin Naxçıvan küçəsində mərkəzi su xəttinin çəkilişi, l-nt İbrahimov və T.İsmayılov küçələrində isə mərkəzi kanalizasiya xətlərinin yenisi ilə əvəz olunması layihələrinin icrası davam etdirilir. Şirvan Sukanal İdarəsi tərəfindən şəhərin “Çılpaqlı”, “Kür körpü” yaşayış sahələrində, G.Şıxbalaoğlu, T.Ələkbərov, T.Bağırov, Ş.Qurbanov, Xəqani və Naxçıvan küçələrində su və kanalizasiya xətlərində baş vermiş qəzaların aradan qaldırılması və yeni su xətlərinin çəkilməsi istiqamətində işlər davam etdirilib, su sayğacları quraşdırılıb. Hacıqəhrəmanlı qəsəbəsində şəhid Rahil Ərəblinin ailəsinin yaşadığı ünvana 76 mm diametrlik 221 p/metr polad boru vasitəsi ilə su xətti çəkilmişdir. Eyni zamanda şəhər ərazisində çoxmənzilli yaşayış binalarının zirzəmilərinin çirkab sulardan təmizlənməsi və kanalizasiya şəbəkəsinin yenilənməsi istiqamətində tədbirlər davam etdirilir. Qeyd edək ki, şəhər üzrə zirzəmilərində təmir-bərpa işlərinin aparılması nəzərdə tutulan 75 çoxmənzilli binanın 34-də işlər artıq başa çatdırılmışdır. Məhəmməd Füzuli adına Şirvan şəhər Mədəniyyət və İstirahət parkında aparılan əsaslı yenidəqruma işləri ilə əlaqədar 11 fərdi yaşayış evinin kanalizasiya çıxışını bərpa etmək məqsədi ilə 250 diametrlik 185 p/metr koreqa borudan ibarət yeni kanalizasiya xətti çəkilmişdir. Şəhər İcra Hakimiyyəti tərəfindən Şirvan şəhərinin su təhcizatı və kanalizasiya şəbəkələrinin yenidən qurulması iqtiqamətində müvafiq tədbirlərin görülməsi davam etdiriləcəkdir.

  • “İslahatlar yeniləşmə, yeni yanaşma  demək...

    “İslahatlar yeniləşmə, yeni yanaşma deməkdir. Biz islahatları aparmaqla ölkəmizi gücləndiririk, ölkəmizin gələcək dayanıqlı inkişafını şərtləndiririk. Tərəqqi isə islahatlarsız mümkün deyildir”.

    2020-05-13

    “İslahatlar yeniləşmə, yeni yanaşma deməkdir. Biz islahatları aparmaqla ölkəmizi gücləndiririk, ölkəmizin gələcək dayanıqlı inkişafını şərtləndiririk. Tərəqqi isə islahatlarsız mümkün deyildir”. Cənab Prezidentin bu fikirləri ölkənin siyasi, iqtisadi, sosial və mədəni həyatında yeni mərhələni və sağlam vətəndaş məmur münasibətlərinin qurulmasına yönəlmiş yeni prinsipləri müəyyənləşdirmiş oldu. Dövlət başçısı Cənab İlham Əliyevin şəxsən rəhbərliyi ilə başladılan və davam etməkdə olan siyasi islahatlar kursu özü-özlüyündə çox pozitiv prosesdir. Ölkəmizdə baş verən kadr və struktur islahatları, habelə korrupsiya ilə mübarizə istiqamətində atılan addımları ölkə vətəndaşları birmənalı şəkildə təqdir edir. Rüşvətə və korrupsiyaya qarşı mübarizəyə dair ciddi siyasi iradənin olduğu göz önündədir. Ölkə Prezidenti cənab İlham Əliyev xalqı talayan rüşvətxor məmur ordusundan azad olmaq üçün prinsipial bir xətt tutub və bu xətti həyata keçirmək üçün də bütün qüvvəsini sərf edir. Bu istiqamətdə həyata keçirilən ardıcıl tədbirlər göstərdi ki, Cənab Prezidentin qarşıya qoyduğu tələblər dövlətin möhkəmləndirilməsinə və xalqımızın firavan gələcəyi üçün hüquqi dövlət quruculuğunun tam bərqərar olamasına yönəlib. Nəticə isə həm də onu göstərdi ki, Azərbaycan bu sahədə də böyük təcrübəyə malikdir. Sabitliyin, rifahın təmin olunması üçün korrupsiyaya, cinayətkarlığa qarşı mübarizə, habelə məmur özbaşınalığına qarşı mübarizəyə qarşı adekvat tədbirlər öz səmərəsini verməkdədir. Dövlət başcısı Kamran Əliyevin Baş prokuror təyin edilməsi zamanı onun qarşısına tələblər qoyarkən də bir daha öz sadə devizi ilə xalq məmur arasındakı münasibətlərin qızıl ölçüsünü təqdim etmiş, hakimiyyətin bu münasibətlərdəki sivil izahını vermişdir. O demişdir: “Mənim məmurlardan tələbim çox sadədir. Xalqın xidmətçisi olmaq, insanlara hörmətlə yanaşmaq və öz işləri ilə nümunə olmaq, onların haqqına girməmək və qanunun tələblərini rəhbər tutmaq. Bunu edə bilməyən məmurlar özlərini və ailələrini zərbə altında qoymasınlar. Onlara qarşı cox ciddi tədbir görüləcəkdir”. Bu tələblər həm də post neft dövrünün yeni tələbləri kimi sağlam siyasi sistemin qurulma zərurətinin önəmli olduğunu göstərir. Pandemiya dövründə də dayanıqlı iqtisadi və siyasi sistem Azərbaycanda bir daha güclü strateji dövlətçilik xəttinin olmasını göstərdi. Cənab Prezidentin tarixi fikirlərində o da öz əksini tapmışdır ki, bütün bunların səmərələliyi həm də təcrübəli kadrların əməyindən bilavasitə asılıdır. Beləliklə də islahatların həyata keçirilməsi cəmiyyətdə mənfi ünsürlərin təmizlənməsini və ədalətli sağlam dövlət-məmur və vətəndaş münasibətlərinin qurulması üçün strateji bir yol xəritəsidir. Dövlət başcısı haqlı olaraq bildirmişdir ki, korrupsiya və rüşvətxorluq Azərbaycan cəmiyyətində olmamalıdlr. Bəzən hüquq mühafizə orqanlarının da işi bizi qane etmir fikirləri ilə prokurorluq orqanlarının da qarşısında yeni və çox məsul vəzifələri müəyyənləşdirdi. Hesab edirik ki, Cənab Prezidentin bu çağırışları xalq prezident birliyinin gücü ilə şəffaflığı təmin edəcək, neqativ işlərə son qoyulacaqdır. Bu isə hər birimizin vətəndaşlıq məsuliyyətini bir daha önə cəkir. Şirvan şəhər Heydər Əliyev Mərkəzinin direktoru Aynur Fərzəliyeva

  • BUNUN BİR ADI VAR: -XƏYANƏT!   Heç kimə heç ...

    BUNUN BİR ADI VAR: -XƏYANƏT! Heç kimə heç bir imtiyaz verilmir və verilməyəcək.

    2020-05-12

    Bəli, ölkə Prezidenti İlham Əliyev korrupsiya və rüşvətxorluğa qarşı mübarizəni gündən-günə gücləndirir. Bu istiqamətdə doğru və qətiyyətli addımlar atır. Azərbaycan Prezidenti İlham Əliyev və Birinci vitse-prezident Mehriban xanım Əliyevanın rəhbərliyi ilə müxtəlif sahələrdə islahatlar uğurla həyata keçirilir. İslahatlar sosial-iqtisadi sahələri əhatə etməklə yanaşı struktur dəyişikləri qaçılmaz edib. Dövlət başçısı islahatları həyata keçirməklə yanaşı, korrupsiyaya və digər mənfi əməllərə qaşı da mübarizənin gücləndirilməsini vacib sanır. Bu gün bəşəriyyət koronovirus kimi ciddi pandemiya ilə üz-üzədir. Azərbaycan dövləti vətəndaşların sağlamlığının, təhlükəsizliyinin təmini məqsədi ilə qabaqlayıcı tədbirlər görmüşdür. Bu məqsədlə həyata keçirilən tədbirlər müsbət nəticəsini göztərir. Təəssüf ki, belə ağır günlərdə xalqın, dövlətin malını mənimsəyən məmurları da gördük. Belələri öz naqis əməlləri ilə xalqın haqlı tənbehləri ilə qarşılaşdılar. Qanunlarımız isə kəskinliyi ilə özünü göstərdi. Azərbaycan Respublikasının Prezidenti İlham Əliyev ən möhtəbər iclaslarda, müsahibələrində dönə-dönə vurğulamışdır ki, dövlət qulluqçusu, hər bir məmur xalqın xidmətində olmalıdır. Onlar insanlara qarşı diqqətli olmalı, hər bir xahişə, təklifə, şikayətə həssaslıqla yanaşmalıdırlar. Son vaxtlar qarşılaşdığımız üzücü hadisələr heç də bütün məmurların dövlət başçısının tapşırıq və tövsiyələrinə əməl etmədiklərini göstərdi. Onlar nəinki rüşvət alır, korrupsiya çirkabına yuvarlanıblar, eyni zamanda bu ağır gündə imkansıza, kasıba ayrılan ərzağa da göz dikiblər. Bunun bir adı var:-xəyanət! Bəli, bu dövlətə, xalqa xəyanətdir. Böyük etimad göstərib bir rayonu, bir şəhəri sənə etibar etmiş dövlət başçısına xəyanətdir. Xəyanət isə bağışlanmır. Ölkə Prezidenti İlham Əliyevin burada müdrik bir kəlamını xatırlamamaq olmur: “ Heç kimə heş bir imtiyaz verilmir və verilməyəcək”. Son bir neçə ay ərzində yüksək vəzifəli məmurların rüşvətxorluğa, korrupsiyaya görə cinayət məsuliyyətinə cəlb olunması bunu bir daha sübut etdi. Prezidentin tövsiyələrindən nəticə çıxarmayan bəzi sabiq icra başçıları qanun qarşısında cavab veməli oldular. Ağstafa, Yevlax, Neftçala, Biləsuvar, İmişli rayon İcra Hakimiyyəti başçılarına qarşı Dövlət Təhlükəsizliyi Xidməti tərəfindən uğurlu əməliyyatlar keçirildi, onların rüşvət almaları barədə təkzibolunmaz sübutlar təsdiqləndi. Barələrində cinayət işi açıldı. Məhkəmə tərəfindən həbs qətiimkan tədbiri seçildi. Sosial müdafiəyə ehtiyacı olan şəxslərin əməkhaqqı kartlarını mənmsəyənlərə nə ad vermək olar? Vəzifədən, göstərilən etimaddan sui-istifadə edən məmurların hərəkətlərini necə qiymətləndirməliyik?! Əhalinin sosial rifahını yaxşılaşdırmağa hesablanmış aztəminatlı təbəqə üçün ictimai iş yerlərinin yaradılması məqsədi ilə ayrılmış pula göz dikənlərə nə ad verəsən?! Bəzi rayon, şəhər icra hakimiyyəti başçılarının inzibati ərazi nümayəndəliklərinin bəzi vəzifəli şəxslərinin koronovirus pandemiyası dövründə qanunazidd hallara yol vermələri də bağışlanılmazdır. Belələri haqqında aidiyyatı üzrə rayon və şəhər prokurorluğunda cinayət işləri açılıb. Bu günlərdə Azərbaycan Respublikasının Prezidenti İlham Əliyev Respublikanın Baş prokurorunu təyin etdi. Dövlətimizin başçısı Baş prokuror Kamran Əliyevi vidioformatda qəbul edərkən korrupsiya və rüşvətxorluqla mübarizə tədbirlərinin bundan sonra da davam etdiriləcəyini bir daha bəyan etmişdir. Bəli, bu gün Azərbaycan Respublikasında dövlət strukturlarının əhalinin sağlamlığının qorunması, digər sahələr üzrə xidmət fəaliyyətinin təşkili istiqamətində səfərbər olunduğu bir vaxtda bəzi məmurların mövcud vəziyyətdən öz şəxsi maraqları naminə istifadə edərək, vətəndaşların və dövlətin qanunla qorunan mənafelərinə zərər vuran, hakimiyyət orqanlarının işinə kölgə salan hüquqazidd əməllərə yol verilməsinə dair məlumatlar əsasında araşdırmalar davam etdirilir, günahkarlar barədə ölçü götürülür. Bu şəhərimizin ağsaqqallarının da ürəyindəndir. Biz şirvanlılar həmişə Prezident İlham Əliyevə, Birinci vitse- prezident Mehriban xanım Əliyevaya arxa, dayaq olmuşuq və bundan sonra da olacağıq. Biz dövlət qurumları, vətəndaş cəmiyyətləri ilə bir nöqtəyə vurmalıyıq. Biz həmrəylik göstrəmişik və göztərəcəyik də. Biz ağsaqallar da koronovirus kimi pandemiya üzərində qələbə qazanılmasında Prezidentin yaxın köməkçisi olduğumuzu əməli işimizlə sübüt edəcəyik. Biz korrupsiya və rüşvətxorluğa yox deyirik. Bu istiqamətdə Prezident tərəfindən atılan hər bir addımı dəstəkləyirik. Fəxrəddin Rəhimov, Şirvan şəhər Ağsaqallar şurasının sədri

  • Ad günün mübarək, Ulu Öndər.

    Ad günün mübarək, Ulu Öndər.

    2020-05-10

    Azərbaycan xalqının milli mənlik şüurunun oyanmasında, müstəqil dövlətçilik təfəkkürünün formalaşmasında Ümummilli liderimiz Heydər Əliyevin müstəsna xidmətləri vardır. Bu baxımdan Ümummilli liderimiz Heydər Əliyevin həyat və fəaliyyətinin hər bir məqamı Azərbaycan xalqının qürur və iftixar mənbəyidir. Ümummilli lider Heydər Əliyev respublikaya rəhbərliyi dövründə milli maraqlarımızın qorunmasına, milli şüurun, müstəqil dövlətçilik təfəkkürünün formalaşıb möhkəmlənməsinə, müstəqilliyimizin iqtisadi əsaslarının yaradılmasına, ideoloji prinsiplərin, milli kadrların hazırlanmasına xüsusi önəm vermişdir. İstedadlı gənclərin keçmiş SSRİ-nin nüfüzlü ali məktəblərinə oxumağa göndərilməsini təşkil edirdi. Təhsilini başa vurub respublikamıza qayıdan gənc mütəxəssislərə lazimi şərait yaradılırdı. Bir sözlə ölkədə bilik yeganə meyara, ”Qoy ədalət zəfər çalsın”şüarı həyatın reallığına çevrilmişdir. Ümummilli lider Heydər Əliyevin respublikamıza rəhbərliyi dövründə milli mənəvi dəyərlərimizə, adət-ənənələrimizə diqqət daha da artırıldı. Şifahi xalq ədəbiyyatı nümunələrinin, klassiklərin əsərlərinin nəşr edilməsi ilə ölkədə milli ruhun oyanmasına çalışırdı. Azərbaycanda yeni ali və orta ixtisas məktəbləri, orta məktəb binaları, mədəniyyət ocaqları inşa edilirdi. Təhsilin, səhiyyənin maddi texniki bazası, kadr potensialı milli kadrlarla gücləndirildi. Ümummilli lider Heydər Əliyevin rəhbərliyi ilə ölkədə iqtisadiyyatın bütün sahələri, o cümlədən kənd təsərrüfatı sürətlə inkişaf edir, əhalinin sosial problemləri ardıcıl həll olunurdu. Bu proses, Heydər Əliyev SSRİ Nazirlər Soveti sədrinin birinci müavini olan dövrdə də davam etdi. Onun diqqət və qayğısı sayəsində ölkəmizin sosial-iqtisadi inkişafında böyük nailiyyətlər əldə olundu. Xalqın milli azadlıq, müstəqillik uğrunda mübarizə əzmini qırmaq üçün Sovet ordusu 1990-cı ilin yanvar ayının 19-dan 20-nə keçən gecə Bakıya yeridildi. Bakıda tarixdə anoloqu olmayan kütləvi qırğınlar törədildi. Bakıda fövqəladə vəziyyət elan olundu. Xalqımızın ümummilli lideri Heydər Əliyev 1990-cı ilin yanvarın 21-də Azərbaycanın Moskvadakı nümayəndəliyinə gələrək 20 yanvar faciəsini törədən və ona rəvac verənlərin əməllərini qətiyyətlə pisləyib günahkarları ittiham etdi. Törədilən təcavüzə, faciəyə siyasi qiymət verdi. Onu dünya ictimaiyyətinə çatdırdı. Vəziyyətdən çıxış yollarını göstərdi. Ulu öndərin bu çıxışı Azərbaycanda milli şüurun, ictimai fikrin inkişafında yeni mərhələnin əsasını qoydu. Xalqın gözünü açdı. Azərbaycanı müstəqil dövlətçilik yoluna yönəltdi. Ümummilli lider Heydər Əliyev Naxçıvanda milli dövlətçiliyimizlə bağlı taleyüklü qərarlar qəbul etdi. 1990-cı ilin noyabrın 17-də ilk dəfə Naxçıvanda üç rəngli bayrağımız qaldırıldı. 20 yanvar faciəsinə hüquqi-siyasi qiymət verildi. Xalqın təkidi, tələbi ilə müdrik siyasətçi, böyük dövlət xadimi Ümummilli liderimiz Heydər Əliyev Bakıya dəvət edildi. 1993-cü ilin iyulun 15-də Heydər Əliyev Azərbaycan Respublikası Milli Məclisinin sədri seçildi. O, ölkədə ictimai-siyasi sabitliyi təmin etdi. Atəşkəsə nail oldu. Dağıdılmış iqtisadiyyatı, beynəlxalq əlaqələri yenidən qurdu. Silsilə dövlət çevrilişinə göstərilən cəhdlərin qarşısını aldı. Qeyri-qanuni silahlı dəstələri, hərbi birləşmələri ləğv etdi. Güclü milli ordu yaratdı. Ölkədə iqtisadi, siyasi islahatlar həyata keçirdi. Xarici kapitalın neft sənayesinə yönəldilməsini təmin etdi. “Əsrin müqaviləsi” neft kontraktlarının imzalanmasına nail oldu. Azərbaycan neftinin dünya bazarına çıxarılmasını təmin etdi. Qarabağ problemini sülh, danışıqlar yolu ilə həll etmək üçün fəal daxili və xarici siyasət yeritməyə başladı. Azərbaycanı müstəqil dövlət kimi bütün dünyaya tanıtdı. Heydər Əliyev diplomatiyası Azərbaycanın düşdüyü informasiya blokadasını dağıtdı. Xalqın haqq sözünü, mövqeyini bütün dünyaya bəyan etdi. Azərbaycan dünyanın ən möhtəbər Beynəlxalq təşkilatlarına üzv qəbul olundu. Ümummilli liderimiz Heydər Əliyevin siyasi kursunu uğurla davam etdirən möhtərəm Prezidentimiz cənab İlham Əliyev Azərbaycanda milli həmrəyliyə, milli birliyə nail olur. Birinci vitse-Prezidentimiz, Heydər Əliyev Fondunun Prezidenti hörmətli Mehriban xanım Əliyevanın humanizmə, mərhəmət və nəcibliyə söykənən hərtərəfli fəaliyyəti, ölkəmizdə sosial-iqtisadi və mədəni inkişafın təmin olunmasına, doğma torpqlarından didərgin düşmüş soydaşlarımızın problemlərinin həllinə, elmin, təhsilin,səhiyyənin və idmanın inkişafına, milli-mənəvi dəyərlərimizin təbliğinə və zənginləşməsinə hesablanmış mühim layihələri müvəffəqiyyətlə həyata keçirməsi, ölkəmizin tolerant, multikultural həyat tərzini dünya ictimaiyyətinə çatdırması Azərbaycanın beynəlxalq aləmdə nüfuzunu daha da gücləndirir, Heydər Əliyev siyasi kursuna yeni - yeni töhfələr verir. Ümummilli lider Heydər Əliyevin yaratdığı Müstəqil Azərbaycan bu gün onun siyasi varisi, möhtərəm Prezidentimiz cənab İlham Əliyevin rəhbərliyi ilə daha da möhkəmlənir və inkişaf edir. Regionun söz sahibinə, güclü dövlətinə çevrilir. Ad günün mübarək, Ulu Öndər !

  • “Sən elə bir zirvəsən!” mövzusunda onlayn...

    “Sən elə bir zirvəsən!” mövzusunda onlayn esse(yazı) müsabiqəsi keçirildi.

    2020-05-10

    Şirvan şəhər İcra Hakimiyyəti başçısının təsdiq etdiyi Tədbirlər Planına uyğun olaraq 24 aprel-07 may 2020-ci il tarixlərində Şirvan şəhər İcra Hakimiyyəti, Yeni Azərbaycan Partiyası Şirvan şəhər Təşkilatı və şəhər Təhsil Şöbəsinin birgə təşkilatçılığı ilə Ümummilli Lider Heydər Əliyevin anadan olmasının 97-ci ildönümü münasibəti ilə ümumitəhsil məktəblərində təhlis alan V-XI sinif şagirdləri arasında “Sən elə bir zirvəsən!” mövzusunda onlayn esse(yazı) müsabiqəsi keçirildi. Şagirdlər mövzuya uyğun yazdıqları esseləri şəhər Təhsil Şöbəsinin e-mail ünvanına və facebook səhifəsinin mesaj bölməsinə göndərməklə müsabiqədə iştirak ediblər. Təşkilatçılar tərəfindən yazı müsabiqəsini keçirməkdə məqsəd ümummilli lider Heydər Əliyevin azərbaycançılıq məfkurəsinin gənclər arasında geniş təbliği, şagirdlərin Azərbaycan tarixi haqqında daha geniş biliklərə sahib olmalarına köməklik göstərmək və karantin rejimi müddətində uşaqların asudə vaxtının səmərəli təşkilidir. Müsabiqənin qalibləri münsiflər heyətinin seçimi əsasında müəyyən olunmuş və yekun qərarla 1 nömrəli tam orta məktəbin şagirdi Samirə Quliyeva I yerə, 13 nömrəli tamm orta məktəbin şagirdi Nurcan Rzayeva və 21 nömrəli tam orta məktəbin şagirdi Zeynəb Hüseynli müvafiq olaraq II, III yerə, 10 nömrəli tam orta məktəbin şagirdi Məryəm Hüseynova isə həvəsləndirici yerə layiq görülüblər. Müsabiqənin qalibləri diplom və hədiyyələrlə təltif olunublar.

  • Şirvan şəhərində yol infrastrukturunun yenid...

    Şirvan şəhərində yol infrastrukturunun yenidənqurma və təmir-bərpa işləri davam etdirilir.

    2020-05-09

    2020-ci il ərzində Şirvan şəhərində həyata keçiriləcək sosial-infrastruktur layihələri içərisində magistral və məhəllədaxili yol infrastrukturunun təmir və bərpası işləri mühüm yer tutur. Belə ki, bu istiqamətdə kompleks tədbirlə həyata keçirilir, şəhər ərazisində əsas magistrallara çıxan torpaq əsaslı məhəllədaxili və uzun müddətdir istismar olunan yollara yeni asfalt örtüyü salınır. Ümumilikdə il ərzində mərhələli şəkildə şəhərin 25 küçəsində 70500 kv. metrdən çox asfalt-beton örtüyünün salınması nəzərdə tutulmuşdur. Artıq şəhərin F.X.Xoyski küçəsində 2592 kv.m, İ.Şıxli küçəsində 4725 kv.m və Hacıqabul-Şirvan avtomobil yolunun 4 və 5-ci km-lərində 15400 kv.m sahədə asfalt-beton örtük vurulmuşdur. Heydər Əliyev və İstiqlaliyyət prospektlərində, T.İsmayılov, Xəqani, Z.Hacıyev, l-nt İbrahimov, 20 Yanvar və M.Ə.Rəsulzadə küçələrində alfalt örtüyündə olan çalaların təmiri işlərinə başlanılıb. Bundan əlavə Heyranxanım-1 küçəsində 2080 kv.m., Heyranxanım-2 küçəsində 2180 kv m., S.Bəhlulzadə küçəsində 2180 kv m., Niyazi küçəsində 2235 kv m., R.Rza küçəsində 2290 kv m., Təbriz küçəsində 2290 kv m., Y.V.Çəmənzəminli küçəsində 2290 kv m., X.Məmmədov küçəsində 2290 kv m., Ərəblinski küçəsində 2290 kv m., C.Qaryağdıoğlu küçəsində 2290 kv m., Q.Qarayev küçəsində isə 2290 kv m. sahədə yollara qum çınqıl qatı verilərək asvalt-beton örtük qoyulması üçün hazırlıq işləri aparılıb. Şəhərin Heydən Əliyev prospektində Energetik küçəsindən Məhəmməd Füzuli adına parka keçən hissədə uzun illər istifadə olunmamış yeraltı keçidin bərpa işlərinə başlanılıb. Eyni zamanda, Heydər Əliyev prospektində avtomobillərin hərəkətinin intensivliyini və baş verə biləcək bədbəxt hadisələrin qarşısının alınması məqsədi ilə Şirvan şəhər İcra Hakimiyyəti tərəfindən “Azəravtoyol” ASC-yə ünvanlanmış müraciət əsasında prospektin Xəqani küçəsi ilə kəsişməsində yerüstü keçidin layihələndirilməsi işlərinə başlanılıb. Şəhər ərazisində avtomobil yollarının tikintisi və yenidən qurulması istiqamətində işlər davam etdiriləcəkdir.