Sərbəst güləş üzrə açıq şəhər birinciliyi keçirildi.
23 noyabr 2019-cu il tarixində Şirvan Olimpiya İdman Kompleksində 2005-2007-ci il təvəllüdlü yeniyetmələr arasında Sumqayıt və Şirvan şəhərlərini, Sabirabad, Ağdaş və Salyan rayonlarını təmsil edən komandaların iştirakı ilə sərbəst güləş idman növü üzrə açıq şəhər birinciliyi keçirilmişdir.
Sərbəst güləş üzrə idmançıların fiziki və texniki hazırlıqlarına baxış, qarşıdakı yarışlara hazırlıq, bu idman növünün inkişafının və kütləviliyinin artırılmasını dəstəkləmək, həmçinin digər rayon(şəhər) idmançıları ilə dostluq əlaqələri yaratmaq məqsədini daşıyan yarışlar 14 çəki üzrə keçirilmişdir. 140 nəfər idmançının iştirak etdiyi yarışın nəticələrinə görə birinci, ikinci və üçüncü yerləri tutanlar şəhər Gənclər və İdman idarəsi tərəfindən diplom və medallarla mükafatlandırılıblar.
