Yunan-roma güləşi üzrə xatirə turniri keçirildi.
07 dekabr 2019-cu il tarixdə, Şirvan Olimpiya İdman Kompleksində, Ümummilli Lider Heydər Əliyevin anım gününə həsr olunmuş 2005-2007 və 2008-2009-cu il təvəllüdlü yeniyetmələr arasında yunan-roma güləşi üzrə xatirə turniri keçirilmişdir.
Açılış mərasimində şəhər Gənclər və İdman İdarəsinin rəisi Azər Quliyev çıxış edərək Ulu Ondər Heydər Əliyevin Azərbaycan gəncliyinə və idmanın inkişafına hər zaman göstərdiyi diqqət və qayğıdan danışdı. Daha sonra Ümummilli Lider Heydər Əliyevin əziz xatirəsi bir dəqiqəlik sükutla yad edildi. Yunan-roma güləşi üzrə idmançıların fiziki və texniki hazırlıqlarına baxış, qarşıdakı yarışlara hazırlıq, bu idman növünün inkişafının və kütləviliyinin artırılmasını dəstəkləmək, məqsədini daşıyan yarış 20 çəki üzrə keçirilmişdir. 87 nəfər idmançının iştirak etdiyi yarışın nəticələrinə görə birinci, ikinci və üçüncü yerləri tutanlar şəhər Gənclər və İdman idarəsi tərəfindən diplomlarla mükafatlandırılıblar.
.jpg)
