İmadəddin Nəsiminin 650 illik yubileyi münasibəti ilə tədbir keçirildi.
16 dekabr 2019 | 16:00
Şirvan Dövlət İqtisadiyyat və Humanitar Kollecində pedaqoji heyətin, tələbələrin və valideynlərin iştirakı ilə dahi azərbaycan şairi və filosofu İmaddədin Nəsiminin anadan olmasının 650 illik yubileyi münasibəti ilə tədbir keçirilmişdir.
Tədbirdə Nəsiminin yaşadığı dövrdən və yaradıcılığından geniş bəhs olunmuş, müasir dünyamızda Nəsimi yaradıcılığının əhəmiyyəti və rolundan danışılmışdır. Nəsiminin yaradıcılığının Şərq xalqlarının mədəni sərvətlər xəzinəsində özünəməxsus layiqli yer tutması qeyd olunmuşdur.
Tədbirdə kollecin tələbələri tərəfindən dahi şairin əsərlərindən parçalar səsləndirilmiş, şairin həyatından bəhs edən kiçik tamaşa izləyicilər tərəfindən böyük maraqla qarşılanmışdır.
Keçidlər
