Şirvan şəhər Mədəniyyət Mərkəzində “Həmrəyliyə gedən yol” adlı bayram şənliyi keçirildi.
24 dekabr 2019-cu il tarixdə, Şirvan şəhər Mədəniyyət Mərkəzində 31 dekabr Dünya Azərbaycanlılarının Həmrəylik Günü və Yeni il bayramı münasibəti ilə “Həmrəyliyə gedən yol” adlı bayram şənliyi keçirilmişdir.
Mədəniyyət Mərkəzinin direktoru Namini Nəmidə şənlik iştirakçılarını salamlayaraq, onları qarşıdan gələn yeni il bayramı münasibəti ilə təbrik etmiş, ölkəmizə sülh və əmin-amanlıq arzulamışdır.
Tədbirdə 1 nömrəli “Qızilgül” körpələr evi-uşaq bağçasında tərbiyə alan uşaqların ifasında vətənpərvərlik və yeni il bayramı mövzularında şerlər və mahnılar səsləndirilmişdir. "Gur" rəqs qrupu tərəfindən ifa olunan müxtəlif rəqs nömrələri tədbir iştirakçıları tərəfindən maraqla izlənilmişdir. “Şaxta baba” və “Qarqız”ın iştirakı ilə keçirilən şənlikdə uşaqlar əlvan yolka ətrafında yeni il musiqilərinin sədaları ilə dövrə vurmuş, maraqlı kompozisiyalar nümayiş olunmuşdur.
Sonda “Şaxtababa” tərəfindən gətirilmiş hədiyyələr uşaqlara təqdim edilmişdir. Maraqlı və əyləncəli şəkildə keçən şənlik uşaqların böyük sevincinə səbəb olmuşdur.
.JPG)
