Xalqımızı dünya xalqları içərisində fərqləndirən xüsusiyyətlərdən ən yüksəyi mədəniyyətdir.
Azərbaycan dünyanın mədəni xəzinəsinə öz töhfəsini vermiş nadir ölkələrdən biridir. Dünyanın ən qədim xalqlarından olan Azərbaycan xalqı özünün tarixi, maddi mədəniyyət abidələri, zəngin ədəbiyyatı, incəsənəti və musiqi mədəniyyəti ilə haqlı olaraq fəxr edir. Azərbaycan xalqının bədii təfəkkür və yaradıcılığına ölkənin gözəl təbiəti, iqlimi, təbii sərvətlərinin zənginliyi də böyük təsir göstərmişdir. Ölkəmizin müxtəlif sənət növlərinin hər biri ayrı- ayrılıqda inkişaf yolu keçməsinə baxmayaraq, birlikdə vəhdət təşkil edərək Azərbaycan incəsənəti və mədəniyyəti haqqında tam təsəvvür yaratmağa geniş imkan verir. Azərbaycan mədəniyyəti ölkəmizin təbiəti kimi rəngarəng, dolğun və zəngindir. Azərbaycan mədəniyyətinin inkişafına tarixən regionda baş verən siyasi və hərbi hadisələr və Azərbaycanın Şərqlə Qərbi birləşdirən ərazidə yerləşməsi təsir edib.
Azərbaycan mədəniyyəti xalqımızın tarixi qədər qədim və zəngindir.Uzun və mürəkkəb inkişaf yolu keçmiş teatr, kino, musiqi və xalq sənətinin müxtəlif növlərinin tətbiqi Azərbaycan xakqının yüksək mədəni irsə malik olmasını sübut edir. Azərbaycan mədəniyyət və incəsənət xadimləri milli mədəniyyətimizin dünyaya çatdırılması istiqamətində daim səylər göstəriblər.
Azərbaycan mədəniyətinin kökləri qədim zamanlara gedib çıxır.Azərbaycan muğamının YUNESKO tərəfindən bəşəriyyətin mədəni irs siyahısına daxil edilməsi, görkəmli kino ustası, kinodramaturq və kinorejissor R.İbrahimbəyovun "Oskar" mükafatına layiq görülməsi və ümümiyyətlə, müxtəlif zamanlarda el sənətkarlarının düzəltdiyi əl işlərinin və toxuduğu xalçaların dünyanın məşhur muzeylərində mühafizə olunması buna əyani sübutdur. Azərbaycan mədəniyyəti dünyanı fəth edir. Bunun başlıca səbəbi ölkədə həyata keçirilən uğurlu mədəniyyət siyasətidir. Qədim və zəngin mədəniyyət ölkəsi olan Azərbaycan öz mənəvi dəyərlərini qoruyub nəsillərdən nəsillərə ötürmüşdür. Xalqımızın mənən zənginləşməsində, dünya xalqları arasında öz rolunu və mövqeyini qoruyub saxlamasında mədəniyyətimizin əvəzsiz rolu olmuşdur. Azərbaycan mədəniyyəti öz rəngarəngliyi ilə daima hər bir xalqın dilində, beynində olmuşdur. Məhz bu səbəbdəndir ki, ermənilərin tarixən Azərbaycana qarşı işğalçılıq və təcavüz siyasəti yalnız 10 minlərlə insanımızın qətli, itkin düşməsi, girov götürülməsi, əlil olması ilə deyil, eyni zamanda , ermənilərin mənəvi dəyərlərimizə qarşı vəhşilikləri ilə səciyyələnir. Erməni qəsbkarları uzun müddət ərzində işğal altında saxladıqları dağlıq Qarabağ və ətraf ərazilərimizdə mənəvi dəyərlərimizə də qarşı vəhşiliklər törətməkdə davam ediblər. Ermənilər işğal etdikləri ərazilərdə mədəniyyət sahəsinə aid olan hər bir şeyi məhv etməkdən çəkinməyiblər. Bir çox məscidlərimiz anbar kimi istifadə edilib, bir sıra məscidlərdə İslam aləmində haram sayılan donuz və digər heyvanlar saxlanılıb. Bu tək bir xalqa edilən hücum və qəsbkarlıq deyil, bir xalqın mədəniyyətinə,dəyərlərinə qarşı törədilən iyrənc siyasət idi. Ermənistanın Azərbaycana qarşı törətdiyi bu siyasət mədəni soyqırım idi. Ancaq bu siyasət uzun illər davam etdi və fəsadsız ötüşmədi. Bu siyasət qarşısında bir çox dünya ölkələri susdu və göz yumdu. Heçbir beynəlxalq təşkilat Ermənistan qəsbkarlığını qınamadı. Amma müstəqil və suveren dövlətimiz Ali Baş Komandan İlham Əliyevin qətiyyəti sayəsində öz bütövlüyünü bərqarar etdi. İşğal olunmuş torpaqlarımız geri qaytarıldı. Bu tək Qarabağımızın xilası deyil, bir mədəniyyət beşiyinin, bir mədəniyyət ocağının azad olunmasıdır. Artıq Qarabağımız azaddır. Bir mədəniyyət beşiyinin incisi sayılan Şuşa artıq öz simasını bərpa edir. Şuşa mədəniyyət paytaxtı elan olunur. "Əziz Şuşa,sən azadsan!". tarixi köklərə söykənən, bir mədəniyyət incisi olan Qarabağ artıq azaddır. Azərbaycan mədəniyyəti tam və təkrarolunmazdır. Bu, bizim şanlı Qələbəmizin, Zəfərimizin bəyanatıdır.
Şirvan şəhər Mədəniyyət Mərkəzinin direktoru N.Namini
