Bu gün Şirvan şəhərində tam (11 illik) orta təhsil səviyyəsi üzrə buraxılış imtahanı keçirilir.

Bu gün Dövlət İmtahan Mərkəzi tərəfindən Şirvan şəhərində tam (11 illik) orta təhsil səviyyəsi üzrə buraxılış imtahanı keçirilir.
   Şəhərin 13, 18, 20 nömrəli tam orta məktəblərdə ümumilikdə 48 otaq imtahan üçün hazırlanıb. Şirvan şəhər ümumtəhsil məktəblərindən 675 11-ci sinif şagirdi buraxılış imtahanında iştirak edir.
   İmtahan saat 11:00-da başlanır. İmtahan binasına buraxılış vərəqəsində qeyd olunan vaxtda gəlmək tövsiyə olunur.
   Pandemiya şəraitinin tələblərinə uyğun olaraq imtahan mərkəzlərində bir sıra profilaktik tədbirlər - binaların və otaqların dezinfeksiyası, hər bir otağa düşən iştirakçı sayının sosial məsafə prinsipinə uyğun şəkildə tənzimlənməsi, imtahan heyətinin müvafiq qoruyucu vasitələrlə (əlcək, tibbi maska) təmin olunması həyata keçirilib. İmtahan zallarında abituriyentlərin rahat şəkildə imtahan verməsi üçün zəruri şərait yaradılıb.
   İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün prosesboyu (buraxılış rejimi, imtahan müddəti, imtahan binasının tərk edilməsi) istifadə olunmalıdır.
   Şagirdlər imtahana gələrkən “İmtahana buraxılış vərəqəsi”ni, “İmtahan iştirakçısının sağlamlığı haqqında bəyannamə”ni və  şəxsiyyəti təsdiq edən sənədin əslini gətirməlidir.
   Qeyd edək ki, aprelin 15-də və 16-da Dövlət İmtahan Mərkəzi (DİM) tərəfindən respublikanın 25 şəhər və rayonunda tam (11 illik) orta təhsil səviyyəsi üzrə buraxılış imtahanları keçiriləcək.
   Buraxılış imtahanlarında iştirak edən bütün 11-cilərə uğurlar arzulayırıq!

   Mətbuat xidməti