Şəhid İlqar Həsənovun atası ziyarət olundu
Şəhid Həsənov İlqar İlham oğlu 1965-ci ildə anadan olub. O könüllü olaraq hərbi xidmətə getmiş, N saylı hərbi hissədə erməni təcavüzünə qarşı döyüşlərdə fəal iştirak edərək, işğal altında olan torpaqlarımızın azad edilməsində fədakarlıq nümunələri göstərmişdir.
Şirvan Şəhər İcra Hakimiyyətinin başçısı İlqar Abbasovun və YAP şəhər təşkilatının təşəbbüsü və təşkilatçılığı ilə şəhid İlqar Həsənovun atası ziyarət edildi.
Ziyarət zamanı Vətən müharibəsi Şəhid İlqar Həsənovun əziz xatirəsi yad olunmuş, ruhuna dualar edilmişdir.
Qeyd edilmişdir ki, Azərbaycan Respublikasının Prezidenti, Ali Baş Komandan cənab İlham Əliyevin və Birinci vitse-prezident, çox hörmətli Mehriban xanım Əliyevanın Vətən müharibəsi şəhidlərinin ailələri və qazilərlə keçirdiyi görüşlər, onlara dövlət səviyyəsində olunan diqqət və qayğı Şirvan şəhərində də davam etdirilir.
Şirvan Şəhər İcra Hakimiyyəti Vətən müharibəsi şəhidlərinin ailələri və qazilərlə görüşlərə xüsusi önəm verir, onların qaldırdıqları məsələlərə, müraciətlərə hassaslıqla yanaşır, maddi və mənəvi dəstək göstərir.
Şəhidin atası İlham kişi İlqar Həsənovun yüksək vətənpərvərlik ruhunda tərbiyə olunduğundan, hərbi xidmət zamanı göstərdiyi qəhrəmanlıqlardan danışdı. Bildirdi ki, İlqar hələ uşaq yaşlarından vətənsevər gənc kimi böyümüş, erməni işğalçılarına qarşı əsil döyüşçü kimi formalaşmışdır. Yaxınlarına, qonşularına qarşı çox həssas olub. Torpaqlarımızın müdafiəsi uğrunda gedən döyüşlərdə qəhrəmanlıq nümunələri göstərib. Şirvan Şəhər İcra Hakimiyyəti tərəfindən “Şəhidlər Xiyabanı”nda aparılan abadlıq, yenidənqurma işlərinə, Vətən müharibəsi şəhidlərinin dəfn mərasimlərinin yüksək səviyyədə təşkilinə, aparılan abadlıq, quruculuq işlərinə, ailəyə göstərilən təşkilati, maddi və mənəvi dəstəyə görə Azərbaycan Respublikasının Prezidenti, Ali Baş Komandan cənab İlham Əliyevə və Birinci vitse-prezident, çox hörmətli Mehriban xanım Əliyevaya minnətdarlığını və təşəkkürünü ifadə etdi.
Allah Şəhidlərimizə rəhmət eləsin.
Mətbuat xidməti
