Şirvan Gənclər Evi əməkdaşlarının və könüllülərin iştirakı ilə ekskursiya təşkil olundu.

Şirvan Gənclər Evinin təşkilatçılığı ilə gənclərin, xüsusilə gənc könüllülərin asudə vaxtlarının səmərəli təşkili, vətənpərvərlik hisslərinin yüksəldilməsi və könüllülərin fəaliyyətinin stimullaşdırılması məqsədilə əməkdaşların və könüllülərin iştirakı ilə ekskursiya təşkil olundu.
   Ekskursiyanın ilk günü gənclər Vətən müharibəsində ordumuzun şücaəti ilə ələ keçirilən hərbi qənimətlərin nümayiş olunduğu “Hərbi Qənimətlər Parkı”nda oldular. Tanış olduqları mənzərə ilə qürur duyan gənclər ordumuzla fəxr etdiklərini, Vətən müharibəsindəki qələbəmizə, göstərdiyi əsl əzmkarlıq nümanəsinə görə cənab Ali Baş Komandan İlham Əliyevə minnətdarlıqlarını bildirdilər.
   Ekskursiyanın ikinci günü Tovuz döyüşləri və 44 günlük Vətən müharibəsində şəhid olan əsgər zabitlərimizin dəfn olunduğu II Fəxri Xiyaban ziyarət edildi. Vətən müharibəsində xüsusi şücaət göstərərək ordumuzun qələbəsinə töhvə verən, bu yolda şəhidlik zirvəsinə ucalan əsgər və zabitlərimizin məzarları ziyarət edilərək ruhlarına dualar oxundu, tər güllər düzüldü.
   Şəhid olan qəhrəmanlarımızla qürur duyduqlarını qeyd edən gənclər onların xatirəsini hər zaman əziz tutacaqlarına, vətənimizin, torpağımızın bütövlüyü uğrunda döyüşə həmişə hazır olacaqlarına söz verdilər. Cənab Ali Baş Komandan İlham Əliyev başda olmaqla biz hər bir əsgər və zabitimizə minnətdar olmalı, onlarla fəxr etməliyik.

   Eşq olsun Azərbaycan Ordusuna!
         Yaşasın Azərbaycan!"