Reydlər davam edir.

Koronavirus (COVİD-19) infeksiyasının yayılmasının qarşısının alınması məqsədilə ölkə üzrə aparılan profilaktik tədbirlərin və vaksinasiya strategiyasının, o cümlədən havanın tempraturunun yüksəlməsinin nəticəsi olaraq, son vaxtlar virusa yoluxanların sayında azalma müşahidə edilir.
    Koronovirus (COVİD-19) infeksiyasının yayılmasının və onun törədə biləcəyi fəsadların qarşısının alınması məqsədilə ilə bağlı Şirvan şəhərində də təxirəsalınmaz tədbirlər həyata keçirilir. Azərbaycan Respublikasının Nazirlər Kabinetinin xüsusi karantin rejiminin müddətinin 2021-ci il 1 avqust tarixinədək uzadılması və bəzi məhdudiyyətlərin aradan qaldırıması ilə bağlı qərarına uyğun olaraq Şirvan şəhər İcra Hakimiyyəti yanında yaradılmış mobil qruplar da öz fəaliyyətlərini yeni istiqamətdə qurub.
    Mobil qruplar gündəlik olaraq şəhərin  küçə və prospektlərində, əhalinin sıx toplaşdığı ərazilərdə, ictimai-iaşə, ticarət müəssisələrində, məhəllələrdə fərdi izahetmə-xəbərdarlıq işləri aparırlar. Reydlər zamanı şəhər sakinləri ilə maarifləndirici söhbətlər aparılır, insanlar arasında sosial məsafənin gözlənilməsi, qapalı məkanlarda fərdi qoruyucu vasitələrdən (maska) istifadə etmələri barədə lazımi tövsiyələr verilir.
    20 iyun 2021-ci il tarixində keçirilən reyd zamanı gün ərzində ümumilikdə 240 olmaqla, 135 ticarət, 37 ictimai iaşə, 31 gözəllik salonu və bərbərxana, 33 digər xidmət obyektlərinə nəzarət edilib, 436 nəfər vətəndaşa xəbərdarlıq olunub. 4  dünyasını dəyişmiş mərhumun ailəsinə yas mərasiminin keçirilməməsi ilə bağlı xəbərdarlıq edilib.

Mətbuat xidməti