Oğlanlar və qızlar arasında əltopu idman növü üzrə şəhər birinciliyi keçirilib.

15 aprel 2022 | 16:00

Şirvan Şəhər İcra Hakimiyyəti və Şirvan Şəhər Gənclər və İdman İdarəsinin birgə təşkilatçılığı ilə Bəhruz Aslanov adına 16 nömrəli tam orta məktəbdə Ümummilli Lider Heydər Əliyevin anadan olmasının 99-cu ildönümü münasibətilə orta ümumtəhsil məktəblərinin oğlan və qız şagirdləri arasında əltopu idman növü üzrə şəhər birinciliyi keçirilib.
Oğlanlar arasınada şəhər birinciliyində ümumi olaraq 10 komanda üzrə 100 nəfər şagird iştirak edib. Gərgin mübarizə şəraitində keçən yarışda Tahir Bağırov adına 11 nömrəli tam orta məktəbin komandası I yerə, Elçin İmanov adına 10 nömrəli tam orta məktəbin komandası II yerə, Arif Hüseynzadə adına 4 nömrəli tam orta məktəbin komandası III yerə layiq görülüb.
Qızlar arasında şəhər birinciliyində ümumi olaraq 8 komanda üzrə 80 nəfər məktəb şagirdi iştirak edib. Gərgin mübarizə şəraitində keçən yarışda Bəhruz Aslanov adına 16 nömrəli tam orta məktəbin komandası I yerə, Tahir Bağırov adına 11 nömrəli tam orta məktəbin komandası II yerə, Mübariz İsrailov adına 18 nömrəli tam orta məktəb-liseyin komandası III yerə layiq görülüb.
Qaliblər Gənclər və İdman İdarəsi tərəfindən diplomlarla təltif olunublar.

Mətbuat xidməti

Keçidlər