ŞƏHID AILƏLƏRINƏ VƏ MÜHARIBƏ ƏLILLƏRINƏ DÖVLƏT QAYĞISI TƏBLİĞ EDİLDİ.
14 iyul 2017 | 16:00
14 iyul 2017-ci il-cı il tarixdə saat 12:00-da YAP Şirvan şəhər təşkilatınin iclas zalında Azərbaycan Respublikası «Beynəlmiləlçi Əlil Döyüşçülər» Fondu, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə, Şirvan şəhərində “Şəhid ailələrinin və müharibə əlillərinin tibbi-sosial problemlərinin həllinə dəstək mərkəzinin yaradılması” layihəsinində nəzərdə tutulmuş, “Şəhid ailələrinə və müharibə əlillərinə dövlət qayğısı” mövzusunda tədbir keçirdi.
Tədbirdə aidiyyəti idarələrin, Şirvan şəhər İcra Hakimiyyətinin İctimai-siyasi və hümanitar məsəllər şöbəsinin, Səfərbərlik və Hərbi Xidmətə Çağırış üzrə Dövlət Xidmətinin Şirvan şəhər idarəsinin, Dövlət Sığorta Kommersiya Şirkətinin Şirvan şəhər şöbəsinin, Şirvan şəhər Dövlət Sosial Müdafiyə Fondunun, Şirvan şəhər Mərkəzi Xəstəxanasının, QHT-nın rəhbərləri, şəhid ailələri, Əfqanstan, Qarabağ müharibəsi və Çernobıl əlilləri iştirak etdilər.
Tədbiri giriş sözü ilə açan layihənin direktoru, Azərbaycan Respublikası «Beynəlmiləlçi Əlil Döyüşçülər» Fondunun Prezidenti Sərraf Oruc öncə Azərbaycan Respublikasının Dövlət müstəqilliyi, torpaqlarının bütövlüyü uğrunda Şəhid olmuş hərbiçilərin və vətəndaşların xatirəsini bir dəqiqəlik sükutla yad edilməsini xahiş etdi.
Sonra Sərraf Oruc həyata keçirilən layihənin məqsəd və məramı haqqında məlumat verərək, bildirdi ki, həyata keçirilən layihənin əsas məqsədi, şəhid ailələrinin və müharibə əlillərinin onlara dövlət tərəfindən qanunla nəzərdə tutulmuş sığorta pul vəsaitlərinin almalarına və həmçinin Səhiyyə Nazirliyinin Vətəndaşların Respublikadan Kənar Müalicəyə Göndərilməsi Məsələləri üzrə Komissıyasından keçərək respublikadan kənarda müalicə olmaları üçün rəy almış Əfqanıstan, Qarabaq müharibəsi əlillərinin və Çernobıl əlillərinin xarici ölkələrdə müalicələrinin, Səhiyyə Nazirliyi və Əmək və Əhalinin Sosial Müdafiəsi Nazirliyi tərəfindən təmin olunmasına hüquqi köməklik göstərərək adı çəkilən vətəndaşlar arasında yaranmış narazılıqları aradan qaldırmaqdan ibarətdir.
Şəhid ailələrinə, müharibə əlillərinə, veteranlarına və əhalinin həssas təbəqəsi hesab olunan insanlara qayğı göstərmək həm cəmiyyətin, həm də dövlətin başlıca vəzifələrindən biridir!
Azərbaycanın ərazi bütövlüyünün müdafiəsində, Qarabağ müharibəsində şəhid olmuş ailələrin, Əfqanstan, Qarabağ müharibəsi əlillərinin və Çernobıl qəzasınında sağlamlığlarını itirmiş şəxslərin tibbi reabilitasiyası və sosial müdafiəsi “Şəhid ailələrinin və müharibə əlillərinin tibbi reabiltiasiyası və sosial müdafiəsi” haqqında Azərbaycan Respublikasının qanununa əsasən aidiyyatı dövlət idarələri tərəfindən təmin olunmalı və onların hər birinin sosial təminatını günü-gündən yaxşılaşdırılmalıdır.
Adları qeyd olunan vətəndaşların tibbi-sosial problemlərinin həlli istiqamətində dövlətin diqqət və qayğısını artırmaq məqsədi ilə, Azərbaycan Respublikasının mərhum Prezidenti Heydər Əliyev müvafiq Fərman və Sərəncamlar imzalamışdır. Bu gün də bu diqqət və qayğı, Azərbaycan Respublikasının Prezidenti, Azərbaycan Silahlı Qüvələrinin Ali Baş Komandanı İlham Əliyev Cənabları tərəfindən müxtəlif fərman və sərəncamlar imzalanaraq davam etdirilir.
Amma çox təəsüflər olsun ki, şəhid ailələri və müharibə əlillərinin əksər hissəsi son illər, Azərbaycan Respublikası Prezidenti tərəfindən imzalanmış Fərman və Sərəncam haqqında qanunları bilmədikləri üçün, onlara şamil edilmiş imtiyazlardan faydalana bilməyərək, çox vaxt tibbi-sosial problemlərlə üzləşirlər. Buna görə də, çox vaxt aidiyyati icra orqanlarında, tibb müəssələrində şəhid ailələri və müharibə əlillərinə olan biganəlik və laqeyd münasibət onları mənən sarsıdır. Tibbi müalicəyə ehtiyacı olan müharibə əlilləri onlara dövlət tərəfindən verilmiş səhiyyə imtiyazları haqqında qanunları bilmədikləri üçün vaxtı-vaxtında müalicə ala bilmirlər.
Dövlət, hökumət orqanlarının, idarələrinin, təşkilatların rəhbərləri və digər vəzifəli şəxslər şəhid ailələlərinə, müharibə əlil və veteranlarına layiqincə xidmət göstərərək onları hökumətdən incik salmamalıdılar. Vəzifəli şəxslər hər bir vətəndaşı qəbul edərkən unutmamalıdır ki, torpaqlarımızın 20 faizi hələ də erməni işğalçılarının əsarəti altındadr. Qəbul etdikləri ailələrdə işğal olunmuş torpqlarımızın azad olunması üçün əsgər, zabitlər, Mübariz İbrahimov, Murad Mirzəyev kimi yeni-yeni Milli Qəhramanlarımız böyüyür. Məmurlar, vəzifəli şəxslər xoşagəlməz rəftarları ilə onların vətənpvərlik ruhlarını və hisslərini sarsıdmamalıdırlar!
Daha sonra Sərraf Orucov Səhiyyə Nazirliyinin Vətəndaşların Respublikadan Kənar Müalicəyə Göndərilməsi Məsələləri üzrə Komissıyasından keçərək respublikadan kənarda müalicə olmaları üçün rəy almış müharibə əlillərinin xarici ölkələrdə müalicə olunmalarında yaranmış problemlərlə əlaqədar və Əmək və Əhalinin Sosial Müdafiəsi Nazirliyinin TSEK-ında elektron xidməti vasitəsi ilə əlliliyin təyin olunması, əlillik müayinəsinin nəticəsi, növbəti əlillik müayinəsinin nə zaman keçiriləcəyi və sonuncu müayinə barədə məlumat almaq üçün, əlil vətəndaşlara "Tibbi-Sosial Ekspert Komissiyalarında aparılmış sonuncu müayinəyə dair məlumatın verilməsi” adlı (https://www.e-gov.az/az/services) e-xidməti yaradılması barəsində ətraflı məlumat verdi.
Şirvan şəhər İcra Hakimiyyətinin İctimai-siyasi və hümanitar məsəllər şöbəsinin müdir əvəzi Adəm Hüseyinov çıxış edərək bildirdi ki, Şirvan şəhərində 157 şəhid ailəsi yaşayır. Şəhidlərdən 3 nəfəri ölümündən sonra Azərbaycanın Milli Qəhrəmanı adna layiq görülmüşdür. 125 nəfər Qarabağ müharibəsi əlili, 160 nəfər Əfqanstan müharibəsinin veteranı və 99 nəfər isə Çernobıl qəzasında sağlamlığını itirmiş əlil var. Bu insanlar hərvaxt Şirvan şəhər İcra Hakimiyyətinin başçısı cənab Mərdan Camalovun İcra Hakimiyyətinin diqqət və qayğsı ilə əhatə olunub, onlara tibbi-sosial məsələlərinin həllində yaxından köməklik göstərilir. Bu diqqət və qayğı bundan sonra da davam etdiriləcəkdir.
Səfərbərlik və Hərbi Xidmətə Çağırış üzrə Dövlət Xidmətinin Şirvan şəhər idarəsinin rəisi, polkovnik-lentenat Rəfət Abdullayev, Şirvan şəhər Dövlət Sosial Müdafiyə Fondunun müdüri Nazim Hüseyinov, Şirvan şəhər Mərkəzi Xəstəxanasının Həkimi Əbülhəsən İbrahimov, "Azərbaycan Qarabağ Müharibəsi Əlilləri, Veteranları və Şəhid Ailələri" ictimai birliyinin Şirvan şəhər şöbəsinin sədri Pənah Xankışiyev çıxış edərək şəhid ailələrinin və müharibə əlillərinin onlara dövlət tərəfindən qanunla nəzərdə tutulmuş sığorta pul vəsaitlərinin almalarında və həmçinin Səhiyyə Nazirliyinin Vətəndaşların Respublikadan Kənar Müalicəyə Göndərilməsi Məsələləri üzrə Komissıyasından keçərək respublikadan kənarda müalicə almaları üçün rəy almış müharibə əlillərinin xarici ölkələrdə müalicə olunmaları barədə tədbir iştirakçılarına ətraflı məlumat verdilər. Çıxış edənlər “Şəhid ailələrinin və müharibə əlillərinin tibbi-sosial problemlərinin həllinə dəstək mərkəzinin yaradılması” layihəsini müsbət qiymətləndirdilər və layihənin icrasına görə, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına və Azərbaycan Respublikası «Beynəlmiləlçi Əlil Döyüşçülər» Fonduna öz təşəkkürlərini bildirdilər.
Lyihənin direktoru, Azərbaycan Respublikası «Beynəlmiləlçi Əlil Döyüşçülər» Fondunun Prezidenti Sərraf Oruc “Şəhid ailələrinin və müharibə əlillərinin tibbi-sosial problemlərinin həllinə dəstək mərkəzinin yaradılması” layihəsininin Şirvan şəhərində işgüzar və efektli keçməsinə yaxından köməklik göstərdikləri üçün ilk oncə Şirvan şəhər İcra Hakimiyyətinin başçısı cənab Mərdan Camalova, Şirvan şəhər İcra Hakimiyyətinin İctimai-siyasi və hümanitar məsəllər şöbəsinin müdir əvəzi Adəm Hüseyinova, Səfərbərlik və Hərbi Xidmətə Çağırış üzrə Dövlət Xidmətinin Şirvan şəhər idarəsinin rəisi, polkovnik-lentenat Rəfət Abdullayevə, Şirvan şəhər Dövlət Sosial Müdafiyə Fondunun müdüri Nazim Hüseyinova, Şirvan şəhər Mərkəzi Xəstəxanasının Həkimi Əbülhəsən İbrahimova, "Azərbaycan Qarabağ Müharibəsi Əlilləri, Veteranları və Şəhid Ailələri" ictimai birliyinin Şirvan şəhər şöbəsinin sədri Pənah Xankışiyevə öz təşəkkürünü bildirdi.
Tədbirdə şəhid ailələrinə, Əfqanstan, Qarabağ müharibəsi və Çernobıl əlillərinə “Şəhid ailələrinin və müharibə əlillərinin tibbi və sosial hüquqları” haqqında maarifləndirmə kitabları paylanıldı.
Keçidlər
