Azərbaycanın Milli Qəhrəmanı Rəfael Həbibovun doğum günü münasibətilə xatirə tədbiri keçirilib.
Azərbaycanın Milli Qəhrəmanı Rafael Şərafət oğlu Həbibovun doğum günü münasibəti ilə adını daşıdığı Şirvan şəhər 14 nömrəli tam orta məktəbdə xatirə tədbiri keçirilib. Tədbirdə Şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Elvin Balayev, 14 nömrəli tam orta məktəbin diektor əvəzi Arzu İbrahimova, məktəbin müəllim və şagird kollektivi, şəhidin ailə üzvləri, dostları iştirak edib. Tədbir iştirakçıları öncə Milli Qəhrəman Rafael Həbibovun məktəbin həyətində qoyulmuş büstünü ziyarət edib, önünə gül dəstələri düzərək xatirəsinə ehtiramlarını ifadə ediblər. Tədbir məktəbdə davam edib. 14 nömrəli məktəbin direktor əvəzi Arzu İbrahimova təhsil müəssisələrində vətənə məhəbbət və sədaqətin düzgün təbliğindən, uşaq və yeniyetmələrin vətənpərvər ruhda tərbiyyəsindən bəhs edib. Rəfael Həbibovun keçdiyi ömür yolundan, məktəbin məzunu olmasından qürurla söz açıb, təhsil illərində özünü bacarıqlı şagird kimi göstərdiyini, yoldaşlarının və müəllim kollektivinin dərin hörmətini qazandığını, igidliyi ilə gənclərə örnək olduğunu bildirib. Şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Elvin Balayev çıxış edərək, 44 günlük Vətən müharibəsinin şərəfli məqamlarından, əsgər və zabitlərimizin hünərlərindən danışıb. Şanlı Zəfərin qazanılmasında Birinci Qarabağ müharibəsində şücaət göstərən Rəfael Həbibov kimi qəhrəmanların ömür yolunun örnək olduğunu qeyd edib. Dövlət səviyyəsində şəhidlərimizə, onların ailə üzvlərinə göstərilən diqqət və qayğının Şirvan şəhər rəhbərliyi tərəfindən davam etdirildiyini vurğulayıb. Şəhid adlarının əbədiləşdirilməsi, ailələrinin sosial məsələlərinin həlli ilə bağlı müvafiq tədbirlər həyata keçirildiyini, Vətən uğrunda canından keçən oğul və qızlarımızın doğum və anım günlərinin qeyd olunmasının Şirvan şəhərində ənənə şəklini aldığını qeyd edib. 14 nömrəli məktəbin hərbi rəhbəri Aslan Cəfərov, Milli Qəhrəmanın qardaşı Vaqif Həbibov çıxış edərək Rəfael Həbibovun döyüş yolundan, göstərdiyi şücaətlərindən danışıb, şəhidlərin ailələrinə göstərilən diqqət və qayğıya görə ölkə başçısı cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər. Tədbirin sonunda 14 nömrəli tam orta məktəbin şagirdləri qəhrəmana həsr olunan ədəbi-bədii kompozisiya ilə çıxış ediblər. Sonra Rəfael Həbibovun Dəmiryolu stansiyasının qarşısında qoyulmuş büstü ziyarət olunub, qəhrəmanın əziz xatirəsi bir dəqiqəlik sükutla yad edilib. Daha sonra Milli Qəhrəmanın el qəbiristanlığında məzarı ziyarət edilib və ruhuna dualar oxunub. Allah bütün şəhidlərimizə rəhmət eləsin.
Mətbuat xidməti
