Bu gün Azərbaycanın Milli Qəhrəmanı Rafael Həbibovun anım günüdür.
Şəhid leytenant Həbibov Rafael Şərafət oğlu 02 aprel 1964-cü ildə Şirvan şəhərində anadan olub. Şirvan şəhər 14 №-li orta məktəbi bitirib. 1984-cü ildə Baltik qoşunlarında hərbi xidmətini başa vuraraq, Kaunas Gizirlər Məktəbinə daxil olub. Milli Ordumuzun ilk zabitlərindən biri olan Rafael Həbibov leytenant rütbəsi ilə 1992-ci il may ayının 23-də Qarabağa - döyüş bölgəsinə göndərilib. O, Təzəkənd, Narıştar, Zod, Ala Qaya, Çərəktar, Ağdaban, Çapar kəndləri uğrunda gedən ağır döyüşlərdə fəal iştirak edərək rəşadətlə vuruşub. O, Kəlbəcər döyüşlərində düşmənin PDM-24 tipli zirehli maşınını heyəti ilə birlikdə sıradan çıxarıb. Onun şücaəti sayəsində neçə-neçə Vətən oğlu ölümün pəncəsindən xilas edilib. 07 iyul 1992-ci ildə şəhidlik zirvəsinə ucalıb. Şirvan şəhər qəbiristanlığında dəfn edilib. Azərbaycan Respublikası Prezidentinin 16 sentyabr 1994-cü il tarixli 202 saylı Fərmanı ilə leytenant Həbibov Rafael Şərafət oğluna ölümündən sonra “Azərbaycanın Milli Qəhrəmanı” adı verilib. Oxuduğu 14 saylı orta məktəb qəhrəmanın adını daşıyır, büstü qoyulub. Allah rəhmət eləsin!
