Əlilliyi Olan Şəxslər üçün Novruz bayramı münasibətilə tədbir keçirilib.
Şirvan şəhər İcra Hakimiyyətinin Tədbirlər Planına uyğun olaraq 15 mart 2023-cü il tarixdə şəhər İcra Hakimiyyətinin, Şirvan Reabilitasiya Mərkəzinin və Mədəniyyət Mərkəzi Şirvan "Folklor "evinin birgə təşkilatçılığı ilə Əlilliyi Olan Şəxslər üçün Novruz bayramı münasibətilə tədbir keçirilib. Tədbirdə Şirvan Reabilitasiya Mərkəzinin direktoru Mehriban Siracova, Şirvan şəhər Mədəniyyət Mərkəzinin direktoru Namini Namidə Novruz bayramı münasibətilə bütün qonaqları təbrik edib, onlara ən xoş arzularını bildiriblər. Şirvan şəhər Mədəniyyət Mərkəzinin solistləri Ümid Quliyev, Azər Həsənov, Sabit Abdullayev, Zöhrab Vahidov, Nadir Vəliyev, Şirvan Mədəniyyət Mərkəzinin “Gur” rəqs qrupu və həvəskar aktyor heyyəti mahnı, səhnəcik və musiqi nömrələri ilə tədbir iştirakçılarında xoş ovqat yaradıblar. "Şirvan Folklor evi"nin direktoru Eldəniz Quliyev Şirvan Reabilitasiya Mərkəzinin direktoru tərəfindən fəxri fərmanla təltif olunub.
