Həmyerlimiz Heydər Əliyevin 100 illiyinə həsr olunan beynəlxalq turnirin qalibi olub.
Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə elmi-nəzəri konfranslar, mədəni-kütləvi tədbirlərlə yanaşı, silsilə idman yarışları da keçirilir. 2023-cü ilin martın 28-dən aprelin 1-nə kimi Bakıda yeniyetmə boksçular arasında Ümummilli Lider Heydər Əliyevin 100 illiyinə həsr olunan beynəlxalq turnir keçirilib. Şirvan şəhər Olimpiya İdman Kompleksinin yetirməsi 2007-ci il təvəllüdlü Hümbətov Zidan 48 kq çəki dərəcəsində turnirin qalibi olub. Zidanın məşqçisi Kompleksin boks müəllimi Ruslan Dadaşovdur. Qeyd edək ki, turnirdə Azərbaycan yığması ilə yanaşı, Rusiya, Özbəkistan, Qazaxıstan, Gürcüstan, Tacikistan, Qırğızıstan, Bosniya və Herseqovina, Belarus, İsrail və Moldova boksçuları mübarizə aparıblar. Turnirdə mükafatlar uğrunda ümumilikdə 100-dən artıq boksçu gücünü yoxlayıb.
Mətbuat xidməti
