Novruz şənliyinə dəvət edirik!
15 mart 2023 | 14:09
Hörmətli Şirvan sakinləri və şəhərimizin qonaqları!
Sizi 17 mart 2023-cü il tarixdə saat 16:00-da Məhəmməd Füzuli adına Mədəniyyət və İstirahət Parkında yerləşən Zəfər abidəsinin qarşısında Şirvan Şəhər İcra Hakimiyyətinin, Uşaq Musiqi məktəbinin və ümumşəhər məktəblərinin birgə təşkilatçılığı ilə Novruz bayramına həsr olunmuş “Yurdumuza bahar gəlir!” adlı ümumşəhər bayram şənliyinə dəvət edirik.
Tədbirdə doğma şəhərimizin incəsənət nümayəndələrinin şən musiqi nömrələri və səhnəcikləri, bayram atributları, milli adət-ənənələrimiz, qədim tarixə malik dulusçuluqdan, mis məmulatlarından, əl işlərindən, rəsm əsərlərindən ibarət sərgilər nümayiş olunacaq.
Əziz şirvanlılar, gəlin bayram tonqalını birlikdə qalayaq!
Novruz bayramınız mübarək olsun!
Mətbuat xidməti
Keçidlər
