Şəhərin Heydər Əliyev, Amal Alişanlı, Ziya Bünyadov küçələrində asfaltlanma işləri başa çatdırılıb.
Xəbər verdiyimiz kimi, Şirvan şəhəri ərazisində aparılan genişmiqyaslı abadlıq-quruculuq işləri çərçivəsində küçələrin asfaltlanması işləri mərhələli şəkildə davam etdirilir. Artıq şəhərin Heydər Əliyev küçəsində (“Bank Respublika”nın qarşısı), Amal Alişanlı küçəsində (Naxçıvan, Şəhidlər Xiyabanından aşağı), Ziya Bünyadov küçəsində (Naxçıvan, Şəhidlər Xiyabanının sol tərəfi), Heydər Əliyev küçəsində (Naxçıvan, Şəhidlər Xiyabanının qarşısı) asfalt-bərpa işləri tamamlanmış, şəhər sakinlərinin rahat gediş-gəlişi üçün müvafiq şərait yaradılmışdır.Qeyd edək ki, aparılan təmir-tikinti işləri çərçivəsində küçələr boyu zəruri olan yerlərdə köhnə örtük sökülür və yararsız qrunt qazılaraq çıxarılır, əvəzinə yararlı material tökülərək kipləşdirilir. Daha sonra yeni asfalt-beton örtüyü döşənir.
Mətbuat xidməti
