Şirvan Şəhər İcra Hakimiyyətinin başçısı İlqar Abbasov Anım Günü ərəfəsində şəhid ailələrini və müharibə əlillərini ziyarət edib.

27 sentyabr - Anım Günü ərəfəsində ölkəmizin ərazi bütövlüyü, suverenliyi və tarixi torpaqlarımızın azad edilməsi uğrunda gedən döyüşlərdə canlarından keçmiş Şirvan şəhərindən olan şəhidlərimizin ailələri və müharibə əlilləri ziyarət olunub.

Ziyarətdə Şirvan Şəhər İcra Hakimiyyətinin başçısı İlqar Abbasov, şəhər İcra Hakimiyyəti başçısının müavini Aynur Fərzəliyeva, Şirvan Bələdiyyəsinin sədri İlham Səfərov, Daxili Qoşunların Şirvan şəhərindəki hərbi hissəsinin komandiri Rəşadət Süleymanov, Şirvan-Salyan Regional Məşğulluq filialının müdiri Pərviz Allahverdiyev, Şirvan Şəhər Mərkəzi Xəstəxanasının direktoru Canəli Nəbiyev və SHXÇDX-nin Şirvan şəhər şöbəsinin rəisi vəzifəsini icra edən Ənvər Zərbəliyev iştirak ediblər.

Görüşlər zamanı şəhid və qazilərimizin keçdiyi şərəfli döyüş yolu xatırlanıb, qəhrəmanlıqlarının tariximizdə əbədi yaşayacağı vurğulanıb. Şəhər İcra Hakimiyyətinin başçısı İlqar Abbasov şəhid ailələri və müharibə əlillərinin qayğıları ilə maraqlanıb, qaldırdıqları məsələlərin nəzarətdə saxlanacağını və həlli məqsədilə müvafiq tədbirlərin görüləcəyini bildirib.  

Səmimi söhbət şəraitində keçən görüşlərdə şəhid ailələrinin üzvləri və müharibə əlilləri göstərilən diqqət və qayğıya görə möhtərəm Prezidentimiz cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını ifadə ediblər.