Şirvan Şəhər İcra Hakimiyyətinin başçısı İlqar Abbasov Ramazan bayramı münasibəti ilə şəhər sakinlərini təbrik edib.

Əziz şirvanlılar!

Sizi mübarək Ramazan bayramı münasibətilə səmimi qəlbdən təbrik edir, hər birinizə ən xoş arzu  və diləklərimi çatdırıram. İslam dininin humanist dəyərlərini özündə yaşadan və insanları birliyə, bərabərliyə, paylaşmağa səsləyən Ramazan ayı xaqımızın mənəvi dünyasında xüsusi yer tutur. İlahi hikmətlər xəzinəsi Qurani-Kərimin nazil olduğu “11 ayın sultanı” adlandırılan Ramazan ayı həm də insan nəfsinin paklığı, eyiblərin və naqisliyin islah olunması, ağıl, iman və iradənin saflaşması, ruhun tərəqqisi dövrü hesab edilir. 3 ilə yaxındır ki, mübarək Ramazan ayı xalqımız tərəfindən daha böyük fərəh hissi və könül xoşluğu ilə yola salınır. Torpaqlarımızın işğaldan azad olunması ilə nəticələnən Vətən müharibəsindən və orucluğun sınaqlarından alnıaçıq çıxan sakinlərimiz məmnuniyyətlə bayram sevincini bölüşür, dövlətimizin müstəqilliyi, respublikamızın bütövlüyü, ölkəmizin  inkişafı üçün diləklər edilir, şəhidlərimizin ölməz ruhuna dualar oxunur.

Əziz bacılar və qardaşlar,

İnanıram ki, bu müqəddəs bayram günlərində etdiyiniz dua və diləklər, saf niyyətlər Allah dərgahında qəbul olunacaq, Uca Yaradan öz mərhəmətini xalqımızdan əsirgəməyəcəkdir. Həmişə milli-mənəvi dəyərlərə sadiqliyi ilə seçilən şirvanlıları bir daha bayram münasibəti ilə təbrik edir, oruc və ibadətlərinizin qəbul olunması diləyi ilə hər birinizə möhkəm cansağlığı, xoşbəxtlik, süfrələrinizə bol ruzi və  xeyirli-bərəkətli günlər  arzulayıram. Ramazan bayramınız mübarək olsun!

Hörmətlə,

                                                                                                          İlqar Abbasov