Şirvanda ağacəkmə aksiyası keçirilib.
Oktyabrın 19-da "Yaşıl dünya naminə həmrəylik ili" çərçivəsində şəhərin Heydər Əliyev prospekti boyunca olan ərazidə ağacəkmə aksiyası keçirilib.
Şirvan Şəhər İcra Hakimiyyətinin təşkilatçılığı ilə keçirilən ağacəkmə aksiyasında şəhər İcra Hakimiyyəti başçısı Aparatının əməkdaşları, xidmət təşkilatlarının kollektivləri və ictimaiyyət nümayəndələri iştirak ediblər.
Aksiya zamanı 300-dən çox sərv ağacı əkilərək suvarılıb, ərazidə təmizlik və abadlıq işləri aparılıb.
“Yaşıl dünya naminə həmrəylik ili” çərçivəsində şəhər ərazisində yaşıllıqların artırılması məqsədilə 10 min ədəd müxtəlif növ ağac, həmişəyaşıl və dekorativ gül kollarının əkilməsi nəzərdə tutulur.
Aksiyanın keçirilməsində məqsəd ağac əkməklə ekoloji tarazlığın bərpasına, ətraf mühitin qorunmasına kömək etmək, atmosferi oksigenlə zənginləşdirmək, ictimaiyyətin diqqətini yaşıllıqların qorunmasına yönəltməkdir.
