Şirvanda Beynəlxalq Gənclər Gününə həsr olunmuş rəsm müsabiqəsi təşkil olunub.
Avqustun 12-də Şirvan Şəhər İcra Hakimiyyəti, Şirvan Gənclər evi və Şirvan Dövlət Rəsm Qalereyasının birlikdə təşkilatçılığı ilə 12 avqust - Beynəlxalq Gənclər Günü münasibətilə və “Yaşıl dünya naminə həmrəylik ili”nə həsr olunmuş rəsm müsabiqəsi keçirilib.
Şirvan Gənclər evinin ərazisində açıq havada təşkil edilən müsabiqədə yeniyetmə və gənclər iştirak ediblər.
Tədbirdə çıxış edən şəhər İcra Hakimiyyəti başçısının müavini Aynur Fərzəliyeva iştirakçıları 12 avqust - Beynəlxalq Gənclər Günü münasibətilə təbrik edib, ölkəmizdə uğurla həyata keçirilən dövlət gənclər siyasətinin əhəmiyyətindən söz açıb, belə müsabiqələrin istedadlı və yaradıcı gəncləri aşkara çıxarmaq, qabiliyyətlərini nümayiş etdirə bilmələri üçün şərait yaratmaq və asudə vaxtlarını səmərəli təşkil etmək məqsədilə təşkil edildiyini diqqətə çatdırıb.
Sonda müsabiqədə fərqlənən yeniyetmə və gənc rəssamlara diplomlar təqdim edilib, xatirə şəkli çəkilib.
