Şirvanda qida məhsullarının saxlanılması və istifadəsi zamanı sanitariya-gigiyena norma və qaydalarına riayət olunması ilə bağlı növbəti maarifləndirmə tədbiri keçirilib.
Azərbaycan Respublikası Prezidentinin 29 aprel 2019-cu il tarixli, 1143 nömrəli Sərəncamı ilə təsdiq olunmuş “Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı”nın 10.12.3-cü bəndinin (Qida məhsullarının konservləşdirilməsi, həmin məhsulların saxlanılması və istifadəsi zamanı sanitariya-gigiyena norma və qaydalarına riayət olunması ilə bağlı əhali arasında təşviqat və maarifləndirmə işlərinin aparılmasının) icrası ilə əlaqədar oktyabr ayının 16-sı və 21-i tarixlərində şəhər İcra Hakimiyyətinin baçısı tərəfindən keçirilən fərdi qəbullara və səyyar görüşlərə Azərbaycan Qida Təhlükəsizliyi Agentliyinin Şirvan-Salyan Regional bölməsinin mütəxəssisi cəlb olunmuş və şəhər İcra Hakimiyyəti başçısı aparatının əməkdaşları ilə birgə qida məhsullarının konservləşdirilməsi, həmin məhsulların saxlanılması və istifadəsi zamanı sanitariya-gigiyena norma və qaydalarına riayət olunması ilə bağlı vətəndaşlara müvafiq bukletlər paylanmışdır.
Qeyd edək ki, bu kimi tədbirlər mütəmadi olaraq həyata keçiriləcəkdir.
