Şirvanda Silahlı Qüvvələr Günü münasibətilə konsert proqramı təşkil olunub
26 iyun 2023-cü il tarixində Şirvan şəhər M.Füzuli adına Mədəniyyət və İstirahət parkındakı Zəfər abidəsinin önündə 26 iyun-Silahlı Qüvvələr Gününə həsr olunmuş konsert proqramı təşkil olunub.
Tədbirdə şəhər İcra Hakimiyyətinin məsul əməkdaşları, şəhid ailələrinin üzvləri, müharibə iştirakçıları, ictimaiyyət nümayəndələri və şəhər sakinləri iştirak ediblər.
Tədbirdə əvvəlcə Azərbaycan Respublikasının Dövlət Himni səsləndirilib, torpaqlarımızın ərazi bütövlüyü uğrunda həlak olmuş şəhidlərimizin əziz xatirəsi bir dəqiqəlik sükutla yad edilib.
Konsert proqramı şəhərimizin mədəniyyət və incəsənət nümayəndələrinin vətənpərvərlik mövzularındakı ifaları ilə davam etdirilib.
Yüksək vətənpərvərlik duyğuları və coşqu ilə keçən konsert proqramı sakinlər tərəfindən böyük məmnunluqla qarşılanıb.
