Şirvanda Yeni Azərbaycan Partiyasının 30 illik yubileyinə həsr olunmuş regionlararası şahmat turnirinə start verilib.
29 oktyabr 2022 | 14:30
Yeni Azərbaycan Partiyası Şirvan şəhər təşkilatının təşkilatçılığı ilə Şirvan Gənclər Evində 18-30 yaşlılardan ibarət Şirvan, Hacıqabul, Neftçala, Qobustan, Ağsu, Şuşa, Zəngilan və Qubadlı rayonlarından olan komandaların iştirakı ilə regionlararası şahmat turnirinə start verilib.
Tədbirdə Şirvan şəhər İcra Hakimiyyətinin başçısı İlqar Abbasov, Yeni Azərbaycan Partiyası Şirvan və Hacıqabul təşkilatlarının sədrləri, Neftçala, Qobustan, Ağsu, Şuşa, Zəngilan və Qubadlı rayonlarının əməkdaşları iştirak edib.
Öncə Yeni Azərbaycan Partiyasının qurucusu olan Ulu Öndər Heydər Əliyevin və torpaqlarımızın ərazi bütövlüyü uğrunda həlak olmuş şəhidlərimizin ruhu bir dəqiqəlik sükutla yad olunub.
Mərasimi giriş sözü ilə açan YAP Şirvan şəhər təşkilatının sədri Zahir Qəhrəmanov turnir iştirakçılarını salamlayaraq yubiley tədbirlərindən və bu tədbirlərin keçirilməsinin əhəmiyyətindən söz açıb. Ümummilli lider Heydər Əliyevin siyasi kursunu müasir dövrümüzün tələbləri əsasında davam etdirən partiyanın sədri, Möhtərəm Prezident cənab İlham Əliyevin rəhbərliyi ilə rəşadətli Ordumuzun 44 günlük Vətən müharibəsində Zəfər yürüşündən bəhs edib.
Şirvan şəhər İcra Hakimiyyətinin başçısı İlqar Abbasov çıxış edərək bildirib ki, Ulu Öndərin yüksək nüfuzu, xalqın ona böyük inam və etimadı Yeni Azərbaycan Partiyasının qısa müddət ərzində yüksəlişini təmin edən mühüm faktorlardan birinə çevrilib. Bu gün Ulu Öndər Heydər Əliyevin siyasətini uğurla davam etdirən Prezident cənab İlham Əliyevin Sədri olduğu YAP-ın nüfuzu getdikcə daha da artmaqdadır. Qeyd edib ki, Yeni Azərbaycan Partiyası ötən 30 ildə uğurla inkişaf edib, Azərbaycana möhtəşəm nailiyyətlər qazandırıb. Həmçinin ölkə başçısının diplomatik görüşlərinin mühüm məqamlarını diqqətə çatdırıb.
Sonra YAP Hacıqabul rayon təşkilatının sədri Elnur Əmiraslanov Yeni Azərbaycan Partiyasının yaranma tarixindən, keçdiyi şərəfli yoldan və gələcək hədəflərindən danışıb. 30 illik inkişaf yolu keçən Cənubi Qafqazın güclü partiyası olan YAP-ın ötən müddət ərzində ümumxalq partiyasına çevrilərək böyük uğurlar əldə etdiyini bildirib.
Sonra Şahmat turnirinə start verilib. Hacıqabul rayonunu təmsil edən Səbuhi Əkbərov və Netfçala rayonunu təmsil edən Aytən Səfərova rəqiblərinə qalib gələrək final mərhələsinə yüksəliblər.
Mətbuat xidməti
Keçidlər
