Şirvan şəhərində piyada zolaqları rənglənir 16.02.2023
Şirvan şəhərində avtonəqliyyat vasitələrinin hərəkətinin tənzimlənməsi, avtomobil yollarında, küçə və prospektlərində vətəndaşların rahat və təhlükəsiz hərəkətini təmin etmək məqsədi ilə yol cizgi və yol göstərici xətləri, həmçinin piyada keçid zolaqları yenidən rənglənib, zəruri olan yerlərdə yeni piyada zolaqları çəkilib. Hazırda Heydər Əliyev prospektində, Firuz İsmayılov küçəsi istiqamətində piyada zolaqları, üfiqi nişanlanma xətləri, nəqliyyat axınının ayrıldığı və birləşdiyi yerlər rənglənib. Aparılmış işlər nəticəsində vətəndaşların yolun hərəkət hissəsindən keçməsi daha rahat və təhlükəsiz olub. Bu çərçivədə şəhərin digər küçə və prospektlərdə anoloji işlər icra olunacaqdır. Piyada keçid zolaqlarının, eyni zamanda yolun hərəkət zolağında olan xətlərin də yenilənməsi işləri davam etdiriləcəkdir.
Mətbuat xidməti
