- Ünvan: Şirvan şəhəri, M.Ə.Rəsulzadə prospekti 10
- Faks: (+994 021) 215-57-77
- E-mail: mail@shirvan-ih.gov.az
Xəbərlər
-
Məmədova Firuzə Əbdüləli qızı şəhər Icra Hakimiyyəti başçısının fəxri fərmanı ilə təltif edildi.
2020-01-27Şirvan şəhər İcra Hakimiyyətinin Sənədlərlə və vətəndaşların müraciətləri ilə iş şöbəsinin müdiri Məmədova Firuzə Əbdüləli qızı 1989-cu ildən Şirvan şəhər İcra Hakimiyyətində müxtəlif vəzifələrdə çalışmışdır. Şəhər İcra Hakimiyyətinin başçısı İlqar Abbasov qeyd edib ki, Firuzə Məmmədova 30 ildən artıq dövlət qulluğunda çalışmaqla bərabər, şəhərin ictimai həyatında da fəal iştirakı ilə fəqlənmiş, insanlarla rəftarı, yüksək və mənəvi keyfiyyətləri ilə dərin hörmət qazanmış, öz fəaliyyətində dövlət maraqlarını daima uca tutmuşdur. Firuzə Məmmədova çalışdığı Sənədlərlə və vətəndaşların müraciətləri ilə iş şöbəsində ölkə prezidenti cənab İlham Əliyevin fərman və sərəncamlarının icra olunmasında öz üzərinə düşən məsul vəzifələri vicdanla yerinə yetirmişdir. Azərbaycan Respublikasının Prezidenti cənab İlham Əliyevin 22 iyun 2010-cu il tarixli Sərəncamı ilə “Dövlət qulluğunda fərqlənməyə görə” medalı ilə təltif edilmişdir. Firuzə Məmmədova çıxış edərək dövlət qulluğunda çalışmağın böyük şərəf və məsuliyyət olduğunu qeyd etmiş, göstərdiyi diqqətə görə Azərbaycan Respublikasının Prezidenti cənab İlham Əliyevə öz minnətdarlığını bildirmişdir. Sonda, İlqar Abbasov Firuzə Məmmədovanı Şirvan şəhərinin ictimai həyatında fəal iştirakına və dövlət qulluğunda uzun müddətli səmərəli fəaliyyətinə görə şəhər İcra Hgakimiyyəti başçısının fəxri fərmanı ilə təltif etmiş, ona ona möhkəm can sağlığı, dövlət qulluğunda yeni-yeni uğurlar diləmişdir.
-
Şəhərin ümumi təhsil məktəblərində təhsil alan V sinif şagirdlərinin təlim keyfiyyətinin monitorinqi keçirildi.
2020-01-2625 yanvar 2020-ci il tarixdə şəhərin 13 və 18 nömrəli tam orta məktəblərdə 2019-2020-ci tədris ilinin I yarıminin yekunları ilə əlaqədar ümumi təhsil məktəblərində təhsil alan V sinif şagirdlərinin təlim keyfiyyətinin monitorinqi keçirilmişdir. Şagirdlərin bilik səviyyələrinin dəqiqləşdirilməsi, şagirdlər tərəfindən tədris kursunun mənimsənilməsi səviyyəsinin araşdırılması, onlarda bacarıq və vərdişlərin formalaşdırılması baxımından böyük əhəmiyyət kəsb edən monitorinqə şəhərin ümumi təhsil məktəblərində təhsil alan 1350-yə yaxın V sinif şagirdləri cəlb olunmuşdur. Monitorinq nəticəsində əldə olunmuş nəticələr şəhər Təhsil Şöbəsi tərəfindən təhlil olunacaqdır.
-
Şirvan Regional QHT-lərin Resurs və Təlim Mərkəzində təlim keçirildi.
2020-01-2625 yanvar 2020-ci il tarixdə, Şirvan Regional QHT-lərin Resurs və Təlim Mərkəzində ABŞ-ın Azərbaycandakı Səfirliyinin dəstəyi ilə "Fiziki məhdudiyətli şəxslərin hüquqlarının qorunması" layihəsi çərçivəsində təlim keçirilmişdir. Təlim çərçivəsində layihənin rəhbəri Hafis Həsənov tərəfindən əlillik əlamətinə görə ayrı-seçkiliyin bütün formalarının aradan qaldırılması, əlilliyi olan şəxslərin reabilitasiyası, cəmiyyətin həyatında tam həcmdə iştirakının və sosial inteqrasiyasına şəraitin yaradılması, əlilliyi olan şəxslərin hüquqları üzrə məlumatlılığın artırılması və onların hüquqi yardıma əlçatanlıq imkanlarının genişləndirilməsi barədə iştirakçılara ətraflı məlumatlar verilmişdir.
-
Bayramlı qəsəbə İnzibati Ərazi vahidi üzrə Nümayəndəliyin hesabat yığıncağı keçirilmişdir.
2020-01-24Bayramlı qəsəbə klubunda, Bayramlı qəsəbə İnzibati Ərazi vahidi üzrə Nümayəndəliyin 2019-cu ilin yekunlarına və 2020-ci ildə qarşıda duran vəzifələrə həsr olunmuş hesabat yığıncağı keçirilmişdir. Hesabat yığıncağında şəhər İcra Hakimiyyəti Başçısının I müavini Samid Abıyev, şəhər İcra Hakimiyyəti başçısı yanında şuranın üzvləri, idarə, müəssisə, təşkilat rəhbərləri və ictimaiyyət nümayəndələri iştirak etmişdir. Hesabat məruzəsi ilə çıxış edən qəsəbə İnzibati Ərazi vahidi üzrə Nümayəndə Nizami Rəhimov qəsəbədə infrastrukturun inkişafı, sakinlərin sosial rifah halının yaxşılaşdırılması, enerji daşıyıcıları ilə dayanıqlı və fasiləsiz təmin olunması istiqamətində 2019-cu il ərzində görülmüş işlər haqqında ətraflı danışmışdır. Nizami Rəhimov bildirib ki, Azərbaycan Respublikasının Prezidenti cənab İlham Əliyevin 01 oktyabr 2004-cü il tarixli Sərəncamı ilə ərazisi 120 ha olan Bayramlı yaşayış massivinə Şirvan şəhərinin tabeçiliyində inzibati ərazi vahidi statusu verilmişdir. Ölkə rəhbərliyinin diqqət və qayğısı ilə qəsəbədə müasir tələblərə cavab verən 460 yerlik tam orta məktəb, 75 yerlik körpələr evi-uşaq bağçası, tibb məntəqəsi, poçt filialı, klub, kitabxana, bir sıra sosial və xidmət sahələri yaradılmışdır. 2019-cu ildə qəsəbə sakinlərini narahat edən problemlərin araşdırılıb öyrənildiyi, onların sosial, məişət şəraitlərinin yaxşılaşdırılması istiqamətində zəruri tədbirlərin görüldüyü, vətəndaşların şifahi və yazılı müraciətlərinə həssaslıqla yanaşıldığı, hər bir məsələyə aidiyyəti qurumların nümayəndələrinin iştirakı ilə baxıldığı bildirildi. Hesabat yığıncağında qəsəbədə 16 ədəd modul tipli sutəmizləyici qurğunun quraşdırıldığı, əhalinin ümumi su təchizatının Kür çayından 9 ədəd su nasosu vasitəsilə təmin edildiyi, məişət tullantılarının vaxtında daşındığı, ərazidə abadlıq, səliqə sahman işlərinin aparıldığı, 7 saylı marşurut xətti üzrə avtobusların bir qisminin yeniləndiyi, 21 nəfər qəsəbə sakininin özünüməşğulluq proqramına cəlb olunaraq maddi aktivlərlə təmin edildiyi, əhalinin qaz, su və elektrik enerjisi ilə təminatının yaxşılaşdırıldığı və aztəminatlı ailələrə maddi köməkliklərin göstərildiyi qeyd edildi. Məruzə ətrafında çıxış edən qəsəbə sakinləri məruzəyə münasibətlərini bildirərək qəsəbədə həlli vacib məsələlərə toxunublar. Sakinlər onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident, Heydər Əliyev Fondunun Prezidenti, YUNESKO və İSESKO-nun xoşməramlı səfiri, Mehriban xanım Əliyevaya öz dərin minnətdarlıqlarını ifadə etdilər. Hesabat məruzəsində əksini tapan nöqsan və çatışmazlıqların və sakinlər tərəfindən qaldırılan problemlərin həlli ilə əlaqədar şəhər İcra Hakimiyyətinin başçısının I müavini Samid Abıyev tərəfindən aidiyyəti qurum və təşkilatların rəhbərlərinə müvafiq tapşırıqlar verilmişdir. Sonda 2019-cu ildə əldə olunan uğurlarda Bayramlı qəsəbə sakinlərinin də böyük əməyi olduğunu vurğulayan Samid Abıyev Şirvan şəhərinin ictimai-siyasi həyatında fəal iştirak etdiklərinə görə qəsəbə sakinlərinə öz minnətdarlığını bildirmişdir.
-
Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov vətəndaşları qəbul edib.
2020-01-2424 yanvar 2020-ci il tarixdə, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov Şirvan Gənclər Evində Şirvan şəhəri və Hacıqabul rayonundan olan vətəndaşların müraciət və şikayətlərinə baxıb. Müraciətlər əsasən qəsəbələrarası avtomobil yollarının təmir-bərpası və yenidən qurulması, işə qəbul və digər məsələlərlə bağlı olub. Qəbulda hər bir vətəndaşın müraciətini dinləyən AAYDA-nin İdarə heyətinin sədri şikayətlərin qısa müddətdə araşdırılması və zəruri tədbirlərin görülməsi üçün aidiyyəti struktur bölmələrinin rəhbərlərinə tapşırıqlar verib. Sakinlərin ərazilərdə qəbulu və müraciətlərinə baxılması üçün rahat və əlverişli şərait yaradılmasından razılıqlarını ifadə edən vətəndaşlar göstərilən diqqət və qayğıya görə ölkə rəhbərliyinə minnətdarlıqlarını bildiriblər.
-
“Gənclərin yaradıcılıq festivalı” müsabiqəsi keçirildi.
2020-01-2323 yanvar 2020-ci il tarixdə, Şirvan Gənclər Evində 14-29 yaş arası yeniyetmə və gənclər arasında rəsm, bacarıqlı əllər(toxuculuq, tikiş), ibtidai texniki modelləşmə(texniki yaradıcılıq) nominasiyaları üzrə “Gənclərin yaradıcılıq festivalı” müsabiqəsi keçirildi. Festivalda 3 nominasiya üzrə ümumilikdə 30 nəfər yeniyetmə və gənc iştirak etmiş, müsabiqədə 60 əsər təqdim olunmuşdur. Münsiflər Heyətinin qərarı ilə 3 nominasiya üzrə ayrı-ayrılıqda I, II, III yerlər müəyyənləşdirilmiş, qaliblərə Gənclər və İdman idarəsi tərəfindən diplom və hədiyyələr təqdim olunmuşdur. Layihənin məqsədi gənclərin yaradıcılığına yeni baxış ortaya qoymaq, istedadlı gənclərin xüsusi bacarıqlarını inkişaf etdirmək, milli, mədəni və mənəvi dəyərlərimizi təbliğ etmək və gənclərin asudə vaxtının səmərəli təşkilinə nail olmaqdır.
-
Şirvan şəhər Heydər Əliyev Mərkəzində general-mayor Həzi Aslanovun xatirəsi yad edilib.
2020-01-2323.01.2020-ci il tarixdə Şirvan şəhər Heydər Əliyev adına Mərkəzdə iki dəfə Sovet İttifaqı Qəhrəmanı, tank qoşunları qvardiya general-mayoru Həzi Aslanovun anadan olmasının 110 illik yubileyi münasibəti ilə anım tədbiri keçirildi. Tədbir Azərbaycan Respublikasının Dövlət himninin səsləndirilməsi ilə başlamış, Böyük Vətən müharibəsində və Azərbaycan Respublikasının ərazi bütövlüyü uğrunda gedən döyüşlərdə şəhid olmuş qəhrəmanların xatirəsi bir dəqiqəlik sükutla yad edilmişdir. Mərkəzin direktoru Aynur Fərzəliyeva çəxəş edərək Həzi Aslanovun qəhrəmanlığından danışaraq faşizm üzərində tarixi qələbənin qazanılmasında göstərdiyi qəhrəmanlıqları ilə yaddaşlarda iz qoyan, vətən torpaqlarının azadlığı uğrunda son damla qanını belə əsirgəməyərək düşmənlə mübarizə aparan bu qəhrəman həmvətənimizin xalqımız tərəfindən hər zaman qürur və hörmət hissi ilə yad ediləcəyini, onun adının və şərəfli döyüş yolunun gələcək nəsillər üçün hər zaman əsl vətənpərvərlik nümunəsi olacağını vurğulayıb. Sonra tarix müəllimləri Tamam Ağamalıyeva, Əmiraslan Qurbanov, Fəridə Yahyayeva qəhrəmanın uşaqlıq, gənclik illəri və keçdiyi döyüş yolu, göstərdiyi qəhrəmanlıqlar haqqında geniş məlumatlar vermişlər. Tədbirdə məktəblilərin iştrakı ilə hazırlanmış kompozisiyada qəhrəmana həsr edilmiş şeirlər səsləndirilmiş, Həzi Aslanovun döyüş yolundan bəhs edən sənədli film də nümayiş olunmuşdur.
-
Şirvan şəhər İcra Hakimiyyətinin başçısı İlqar Abbasov tərəfindən vətəndaşların növbəti səyyar qəbulu keçirilib.
2020-01-2323 yanvar 2020-ci il tarixdə, şəhərin Nizami küçəsində, 13 nömrəli tam orta məktəbdə Şirvan şəhər İcra Hakimiyyətinin başçısı İlqar Abbasov tərəfindən təsdiq olunmuş qrafikə uyğun olaraq vətəndaşların növbəti səyyar qəbulu keçirilmişdir. Qəbulda İcra Hakimiyyəti başçısı aparatının məsul işçiləri, dövlət orqanlarının yerli idarələrinin və xidmət təşkilatlarının rəhbərləri iştirak etmişdir. Şəhər İcra Hakimiyyətinin başçısı İlqar Abbasov son illərdə iqtisadiyyatın davamlı inkişafına, əhalinin məşğulluğunun artırılmasına və ölkədə yoxsulluğun səviyyəsinin azaldılmasına yönəlmiş kompleks tədbirlərlə bağlı ətraflı çıxış edərək, qeyd olunan müddətdə istər respublikamızda, istərsə də şəhər miqyasında əldə olunan uğurlardan və qarşıda duran vəzifələrdən danışmışdır. İlqar Abbasov qeyd edib ki, regional inkişaf tədbirlərinin nəticəsi olaraq bu gün Azərbaycanın ən böyük sənaye mərkəzlərindən olan Şirvan şəhəri dinamik inkişaf edir, müasirləşir. Cənab prezident İlham Əliyevin son illərdə dəfələrlə Şirvan şəhərində olması, şəhərin problemləri, qayğıları, nailiyyətləri ilə yaxından maraqlanması, istehsal və sənaye potensialının inkişaf etdirilməsi ilə bağlı dəyərli tövsiyələrini verməsi şəhərə yüksək diqqətin bariz təzahürüdür. Vurğulanıb ki, Şirvan şəhərin simasının günün tələbləri səviyyəsində qurulmasını təmin etmək məqsədilə kompleks tədbirlərin həyata keçirilməsi üçün xüsusi proqram hazırlanacaq və bu proqram uğurla icra olunacaqdır. Eyni zamanda cənab prezident İlham Əliyevin regionların sosial-iqtisadi inkişafına göstərdiyi diqqət və qayğının nəticəsi olaraq şəhərdə irihəcmli infrastruktur layihələr bundan sonra da davam etdiriləcəkdir. Qəbul zamanı 20 nəfər şəhər sakini onları narahat edən müxtəlif sosial məsələlərlə bağlı şəhər İcra Hakimiyyətinin başçısına müraciət ünvanlamışlar. Qəbula gələn vətəndaşlar fərdi qaydada dinlənilmiş və müarciətlərə aydınlıq gətirilmişdir. Həlli vacib olan problemlərin dərhal, digərlərinin isə araşdırılaraq qanunauyğun şəkildə tədbirlərin görülməsi üçün şəhər İcra Hakimiyyətinin başçısı tərəfindən əlaqədar qurum və təşkilatların rəhbərlərinə müvafiq tapşırıqlar verilmişdir. Sakinlər öz çıxışlarında son illərdə republikamızda həyata keçirilən islahatlardan, sosial-iqtisadi inkişafdan razı qaldıqlarını bildirmiş, onlara yaradılan şəraitə, göstərilən qayğıya və problemlərinin həllinə yönəlmiş səyyar görüşlərin təşkilinə görə dövlət başçısı cənab İlham Əliyevə və Birinci vitse-prezident Mehriban xanım Əliyevaya təşəkkür və minnətdarlıqlarını bildiriblər.
-
Şirvan şəhərində 20 Yanvar faciəsinin 30-cu ildönümü ilə əlaqədar ümümşəhər tədbiri keçirilib.
2020-01-20Şirvan şəhərində, 20 Yanvar faciəsində Azərbaycanın suverenliyi uğrunda canlarından keçən şəhidlərin xatirəsinə ucaldılmış abidənin önündə Şirvan şəhər İcra Hakimiyyətinin başçısı İlqar Abbasovun, şəhər İcra Hakimiyyəti başçısı yanında şuranın üzvlərinin, hüquq mühafizə orqanlarının, əmək kollektivlərinin və şəhər ictimaiyyəti nümayəndələrinin iştirakı ilə 20 Yanvar faciəsinin 30-cu ildönümü ilə əlaqədar ümumşəhər tədbiri keçirilib. Anım tədbrində öncə həmin faciəli günlərdə öz ölkəsinin, xalqının azadlığını, şərəf və ləyaqətini hər şeydən uca tutaraq şəhidlik zirvəsinə ucalmış mərd Vətən övladlarının xatirəsi bir dəqiqəlik sükütla yad edilib, şəhidlərin ruhuna dualar oxunub. Şirvan şəhər İcra Hakimiyyətinin başçısı İlqar Abbasov anım tədbirində çıxış edərək bildirib ki, 1990-cı ilin yanvarın 19-dan 20-nə keçən gecə sovet ordusunun hərbi birləşmələrinin Azərbaycanda törətdiyi kütləvi qırğından 30 il keçməsinə baxmayaraq xalqımız həmin faciənin ağır nəticələrini bu gün də xatırlayır. Vətənin azadlığı və suverenliyi uğrunda canından keçmiş oğul və qızlarımızın xatirəsi dərin ehtiramla yad edilir. Məhz xalqımızın böyük oğlu Heydər Əliyev Azərbaycanın Moskvadakı Daimi Nümayəndəliyinə gedərək Bakıda yüzlərlə insanın qətlə yetirilməsini Azərbaycan xalqına qarşı cinayət adlandıraraq hadisəyə hüquqi və siyasi qiymət verilməsini tələb edib. Yalnız Ümummilli Lider Heydər Əliyev respublika rəhbərliyinə qayıtdıqdan sonra 1994-cü ilin mart ayının 29-da Milli Məclis “1990-cı il yanvarın 20-də Bakıda törədilmiş faciəli hadisələr haqqında” qərar qəbul edib və respublika səviyyəsində faciəyə hüquqi-siyasi qiymət verilib. İlqar Abbasov qeyd edib ki, Azərbaycan Respublikasının Prezidenti cənab İlham Əliyevin hücum xarakterli diplomatiyası, dövlət müstəqilliyimizin güclənməsi, ölkəmizin hərtərəfli inkişafını təmin edən siyasəti, regionda və beynəlxalq aləmdə artan nüfuzu deməyə əsas verir ki, xalqımızın haqq işi, ədalətli mövqeyi tezliklə qalib gələcək, Dağlıq Qarabağ problemi həll ediləcək, işğal olunmuş torpaqlarımız azad ediləcək, xalqımızın qəhrəmanlıq səlnaməsini yazan şəhidlərimizin ruhu şad olacaqdır. Çıxış edənlər qeyd ediblər ki, 20 yanvar günü ölkəmizdə ümumxalq hüzün günü kimi qeyd edilməklə yanaşı, eyni zamanda Azərbaycanın azadlığı, müstəqilliyi və ərazi bütövlüyü uğrunda mübarizə, rəşadət və qəhrəmanlıq günüdür. Çünki həmin gün öz xalqının azadlığını, şərəf və ləyaqətini uca tutan Vətən övladları canlarından keçərək şəhidlik zirvəsinə yüksəldilər. Azərbaycanın azadlığı, suverenliyi uğrunda canlarını fəda edən şəhidlərin əziz xatirəsi qədirbilən xalqımızın qəlbində bundan sonra da əbədi yaşayacaqdır. Sonra şəhər rəhbərliyi və ictimaiyyət nümayəndələri tərəfindən “Şəhidlər Xiyabanı”nda və “El qəbristanlığı”nda uyuyan şəhid məzarları ziyarət olunub, gül dəstələri qoyulub, şəhidlərin ruhlarına dualar oxunub, şəhid ailələri ilə görüşülərək onlara baş sağlığı verilib. Allah bütün şəhidlərimizə rəhmət eləsin.
-
Qaz təchizatının dayandırılması
2020-01-17Hörmətli Şirvan şəhər sakinləri, 17 yanvar 2020-ci il tarixdə saat 16:00-dan 17:00-dək Heydər Əliyev prospektində yaşayan abonentlərə qazın verilməsində fasilə yaranacaqdır. Nəzərə almağınızı Sizdən xahiş edirik.
-
Qaz təchizatının dayandırılması
2019-11-27Hörmətli Şirvan şəhər sakinləri, “Kənd evləri” yaşayış massivinə verilən qazın təzyiqində yaranan problemin aradan qaldırılması məqsədilə Salyan RQİİ-nin Şirvan Xidmət Sahəsi tərəfindən Xanlar küçəsində yerləşən ŞQTM-400 tipli qaz tənzimləyici şkafın sökülərək “Kənd evləri” yaşayış massivinə köçürülməsi işləri həyata keçiriləcəkdir. Bununla əlaqədar 27 noyabr 2019-cu il tarixdə Xanlar, N.Nərimanov küçələri və “Kənd evləri” yaşayış massivinin bir hissəsinin qaz təchizatında müvəqqəti məhdudiyyətlər yaranacaqdır. Nəzərə almağınızı Sizdən xahiş edirik.
-
Azərbaycan Respublikası Prezidentinin Administrasiyasının məsul işçiləri tərəfindən vətəndaşların qəbulu
2019-11-1928 noyabr 2019-cu il tarixdə saat 10:00-da Şirvan şəhər İcra Hakimiyyətində Azərbaycan Respublikası Prezidentinin Administrasiyasının məsul işçiləri tərəfindən vətəndaşların qəbulu keçiriləcəkdir. Qəbulda iştirak etmək istəyən şəhər sakinləri (021) 215-45-06 nömrəsi ilə əlaqə saxlaya bilərlər.
-
Azərsu
2019-10-29"Azərsu" ASC-nin Kür su kəmərləri idarəsindən Bakı şəhərinə və Şirvan-Muğan Qrup su kəmərinə ötürülən diametri 1400mm olan magistral su xəttinin Hacıqabul rayonu Muğan qəsəbəsi ərazisindən keçən hissəsində böyük qəza baş verdiyi üçün Şirvan şəhərinə içməli suyun ötürülməsi aparılan təmir işləri ilə əlaqədar müvəqqəti dayandırılmışdır.
-
DİM-nin Şirvan Regional Bölməsinə aid rayonlarda ixtisas seçimi ilə əlaqədar yaradılmış Məsləhət Mərkəzləri barədə məlumat
2019-07-23İxtisas seçimi günlərində (24 iyul – 6 avqust, şənbə, bazar günləri istisna olmaqla) cədvəldə verilmiş tarixlərdə (M.Ə.Rəsulzadə küçəsi 19) DİM-nin inzibati binasında Şirvan Təhsil Şöbəsinin və DİM-nin əməkdaşlarının iştirakı ilə "Abituriyentin elektron ixtisas seçimi ərizəsi"nin doldurulma və təsdiq edilməsi qaydası, müsabiqə şərtləri, ixtisas seçimi zamanı diqqət yetirilməli olan vacib məsələlər və s. haqqında ödənişsiz kömək göstəriləcək.
